GSGC LUPON

Bahandi nga Walay Kapuli ☝🏻

Sa panan-aw sa Ginoo, ang tinuod nga bili sa usa ka tawo dili sukdon sa iyang ranggo, kadato, o kadungganan nga nadawat—kundili sa pagkamatinud-anon sa iyang kasingkasing, sa pagkamapaubsanon sa iyang binuhatan, ug sa gugma nga iyang gipakita sa uban. Bisan pa ug taas na ang iyang naabtan sa kinabuhi, kung walay maayong kinaiya nga makapahimaya sa Ginoo, walay kapuslanan ang tanan. Sama sa giingon sa Proverbs 22:1, 'Ang maayong ngalan labi pa nga bililhon kay sa bahandi; ang pagpasidungog mas bililhon pa kaysa bulawan ug salapi.' Ang tinuod nga kalampusan makita sa kinabuhi nga nagatuman ug nagapamatuod sa kabuutan sa Ginoo.