The Equalizer - Mabalacat City College

𝗟𝗶𝘄𝗮𝗻𝗮𝗴, 𝗛𝗶𝗻𝗮𝗿𝗮𝗽 𝗮𝗻𝗴 𝗧𝗮𝗻𝗼𝗻𝗴 𝗻𝗴 𝗘𝗾𝘂𝗮𝗹𝗶𝘇𝗲𝗿 𝘀𝗮 𝗠𝗶𝘁𝗶𝗻𝗴 𝗗𝗲 𝗔𝘃𝗮𝗻𝗰𝗲 𝟮𝟬𝟮𝟲

Hinarap ng mga kandidato mula sa Institute of Hospitality and Tourism Management (IHTM) ang mga tanong ng The Equalizer sa ginanap na Lunsad Sikhay: Miting de Avance 2026, noong Sabado, Mayo 16, kung saan binigyang-diin ang kanilang kahandaan at kredensiyal sa pagtakbo sa mga pangunahing posisyon sa kanilang instituto.

Sa bahagi ng programa kung saan nagbigay ng tanong ang opisyal na publikasyon ng Mabalacat City College, sinagot ng mga kandidato ng WANDER Party ang mga katanungan hinggil sa kanilang kakayahan at pagiging handa sa responsibilidad ng pamumuno.

Kabilang sa mga tinanong ang tumatakbong bise-gobernador na si Sean Kyle Liwanag tungkol sa kanyang pagbanggit sa pagsali sa mga patimpalak ng kaguwapuhan o pageant bilang bahagi ng kanyang kredensiyal sa pangangampanya.

Ipinaliwanag ni Liwanag na ang pagsali sa pageant ay hindi lamang tungkol sa pagkilala sa sarili kundi isang representasyon din ng mga taong kanyang kinakatawan. Dagdag pa niya, malaki ang naging epekto ng kanyang karanasan sa pageantry sa paghubog ng kanyang kakayahang maging boses sa iba.

Banggit ni Liwanag, “𝘜𝘯𝘢𝘯𝘨-𝘶𝘯𝘢 𝘴𝘢 𝘭𝘢𝘩𝘢𝘵, 𝘢𝘯𝘨 𝘱𝘢𝘨𝘴𝘢𝘭𝘪 𝘴𝘢 𝘱𝘢𝘨𝘦𝘢𝘯𝘵 𝘱𝘰, 𝘪𝘴 𝘢 𝘳𝘦𝘱𝘳𝘦𝘴𝘦𝘯𝘵𝘢𝘵𝘪𝘰𝘯 𝘢𝘯𝘥 𝘳𝘦𝘤𝘰𝘨𝘯𝘪𝘵𝘪𝘰𝘯 𝘱𝘰 𝘯𝘨 𝘮𝘨𝘢 𝘵𝘢𝘰. 𝘔𝘢𝘳𝘢𝘮𝘪 𝘱𝘰 𝘢𝘬𝘰𝘯𝘨 𝘯𝘪𝘭𝘢𝘱𝘢𝘨 [𝘯𝘢] 𝘮𝘨𝘢 𝘦𝘹𝘱𝘦𝘳𝘪𝘦𝘯𝘤𝘦𝘴 𝘬𝘰 𝘴𝘢 [𝘱𝘢𝘨𝘱𝘢-] 𝘱𝘢𝘨𝘦𝘢𝘯𝘵 𝘴𝘢 𝘤𝘳𝘦𝘥𝘦𝘯𝘵𝘪𝘢𝘭𝘴 𝘬𝘰 𝘬𝘢𝘴𝘪 𝘢𝘭𝘢𝘮 𝘬𝘰𝘯𝘨 𝘮𝘢𝘭𝘢𝘬𝘪𝘯𝘨 𝘪𝘮𝘱𝘢𝘤𝘵 ‘𝘵𝘰. 𝘔𝘢𝘭𝘢𝘬𝘪 ‘𝘺𝘶𝘯𝘨 𝘪𝘮𝘱𝘢𝘤𝘵 𝘯𝘪𝘵𝘰 𝘴𝘢 𝘮𝘨𝘢 𝘵𝘢𝘰 𝘱𝘢𝘳𝘢 𝘮𝘢𝘭𝘢𝘮𝘢𝘯 𝘯𝘪𝘭𝘢 𝘯𝘢 𝘩𝘪𝘯𝘥𝘪 𝘭𝘢𝘯𝘨 𝘢𝘬𝘰 𝘯𝘢𝘨𝘪𝘯𝘨 𝘣𝘰𝘴𝘦𝘴 𝘴𝘢 𝘱𝘢𝘯𝘴𝘢𝘳𝘪𝘭𝘪 𝘬𝘰, 𝘣𝘢𝘨𝘬𝘶𝘴 𝘯𝘢𝘨𝘪𝘯𝘨 𝘣𝘰𝘴𝘦𝘴 𝘥𝘪𝘯 𝘢𝘬𝘰 𝘯𝘨 𝘮𝘨𝘢 𝘵𝘢𝘰𝘯𝘨 𝘯𝘢𝘴𝘢 𝘭𝘪𝘬𝘰𝘥 𝘬𝘰. 𝘈𝘯𝘥 𝘐 𝘵𝘩𝘪𝘯𝘬 𝘴𝘢𝘱𝘢𝘵 𝘯𝘢 𝘴𝘪𝘺𝘢.”

Binigyang-diin din niya na hindi lamang pageant ang laman ng kanyang kredensiyal, kundi kabilang din dito ang kanyang mga karanasan sa publikasyon, mga natamong akademikong parangal noong Senior High School, at pagdalo sa iba’t ibang pagsasanay.

“𝘐 𝘵𝘩𝘪𝘯𝘬 ‘𝘥𝘪 𝘭𝘢𝘯𝘨 𝘯𝘢𝘮𝘢𝘯 ‘𝘺𝘰𝘯 ‘𝘺𝘶𝘯𝘨 𝘣𝘢𝘨𝘢𝘺 𝘯𝘢 𝘯𝘪𝘭𝘢𝘨𝘢𝘺 𝘬𝘰 𝘥𝘰𝘰𝘯 𝘴𝘢 𝘤𝘳𝘦𝘥𝘦𝘯𝘵𝘪𝘢𝘭𝘴 𝘬𝘰 – 𝘣𝘢𝘨𝘬𝘶𝘴 𝘯𝘢𝘯𝘥𝘰’𝘯 ‘𝘺𝘶𝘯𝘨 𝘦𝘹𝘱𝘦𝘳𝘪𝘦𝘯𝘤𝘦𝘴 𝘬𝘰 𝘴𝘢 𝘱𝘶𝘣𝘭𝘪𝘤𝘢𝘵𝘪𝘰𝘯. ‘𝘈𝘯𝘥𝘶𝘯 𝘥𝘪𝘯 𝘱𝘰 ‘𝘺𝘶𝘯𝘨 𝘢𝘤𝘢𝘥𝘦𝘮𝘪𝘤 𝘢𝘸𝘢𝘳𝘥𝘴 𝘬𝘰 𝘱𝘰 𝘸𝘢𝘺 𝘣𝘢𝘤𝘬 𝘴𝘦𝘯𝘪𝘰𝘳 𝘩𝘪𝘨𝘩 𝘴𝘤𝘩𝘰𝘰𝘭 𝘢𝘯𝘥 ‘𝘢𝘯𝘥𝘶𝘯 𝘥𝘪𝘯 𝘱𝘰 ‘𝘺𝘶𝘯𝘨 𝘮𝘨𝘢 𝘦𝘹𝘱𝘦𝘳𝘪𝘦𝘯𝘤𝘦𝘴 𝘬𝘰 𝘴𝘢 𝘮𝘨𝘢 𝘤𝘰𝘯𝘧𝘦𝘳𝘦𝘯𝘤𝘦𝘴 𝘢𝘯𝘥 𝘢𝘭𝘴𝘰 ‘𝘺𝘶𝘯𝘨 𝘮𝘨𝘢 𝘵𝘳𝘢𝘪𝘯𝘪𝘯𝘨 𝘬𝘰 𝘱𝘰 𝘯𝘢 𝘱𝘪𝘯𝘢𝘨𝘥𝘢𝘢𝘯𝘢𝘯... 𝘵𝘩𝘢𝘯𝘬 𝘺𝘰𝘶" ani Liwanag.

Ang segment na ito ng The Equalizer ay bahagi ng layunin ng programa na masuri at mapalalim ang pag-unawa ng mga mag-aaral sa mga kandidato bago ang nalalapit na halalan sa MCC ngayong Lunes, Mayo 18.

𝘜𝘭𝘢𝘵 𝘯𝘪: 𝘈𝘭𝘭𝘦𝘯 𝘎𝘭𝘦𝘯𝘯 𝘋𝘦 𝘓𝘢𝘳𝘢
𝘒𝘶𝘩𝘢𝘯𝘨 𝘓𝘢𝘳𝘢𝘸𝘢𝘯 𝘯𝘪: 𝘑𝘢𝘴𝘮𝘪𝘯 𝘔𝘢𝘭𝘪𝘵
𝘗𝘢𝘨𝘭𝘢𝘭𝘢𝘱𝘢𝘵 𝘯𝘪: 𝘑𝘶𝘭𝘪𝘢 𝘖𝘤𝘢𝘮𝘱𝘰

𝗟𝗮𝗰𝘀𝗮𝗺𝗮𝗻𝗮, 𝗜𝗴𝗶𝗻𝗶𝗶𝘁 𝘀𝗮 𝗠𝗶𝘁𝗶𝗻𝗴 𝗱𝗲 𝗔𝘃𝗮𝗻𝗰𝗲 𝗻𝗮 𝗛𝗶𝗻𝗱𝗶 𝗣𝗮𝗴𝘁𝗮𝗹𝗶𝗸𝗼𝗱 𝗮𝗻𝗴 𝗞𝗮𝗻𝗶𝘆𝗮𝗻𝗴 𝗣𝗮𝗴𝗯𝗶𝘁𝗮𝘄 𝘀𝗮 𝗗𝗮𝘁𝗶𝗻𝗴 𝗣𝗼𝘀𝗶𝘀𝘆𝗼𝗻

Sa naganap na Miting de Avance noong Mayo 16, 2026 sa Mabalacat City College – Dapdap Campus, binigyang-linaw ng dating Institute of Business and Computing Education (IBCE) Board Member na si Paul Lacsamana, na ngayong tumatakbo bilang Institute of Business Education (IBE) Vice Governor, ang naging pagbitaw nito sa dating posisyon.

Ayon sa pakikipagpanayam sa kaniya nang matanong kung maituturing bang kahiya-hiya at pagtalikod sa tiwala ng mga estudyante ang kaniyang pagbitaw sa posisyon para sa mas malaking oportunidad, kung ang dahilan ay "valid", ito raw ay hindi kahiya-hiya at pagtalikod. Kasabay rin nito ay ang pagbibigay-linaw ni Lacsamana sa dahilan sa pagbitaw sa dating posisyon bilang isang Board Member sa IBCE.

“Matatandaan na dating board member ka ng IBCE at nag-resign sa iyong position. And a while ago, you mentioned the word “responsible.” Kung ang isang lider ay bumitaw sa posisyon sa kaniyang administrasyon para sa mas malaking oportunidad, maituturing ba itong kahiya-hiya at pagtalikod sa tiwalang ipinagkaloob sa kaniya ng mga estudyante?”

“𝘈𝘩... 𝘧𝘰𝘳 𝘮𝘦, 𝘩𝘪𝘯𝘥𝘪 𝘱𝘰, 𝘢𝘴 𝘭𝘰𝘯𝘨 𝘢𝘴 𝘵𝘩𝘦 𝘳𝘦𝘢𝘴𝘰𝘯 𝘪𝘴 𝘷𝘢𝘭𝘪𝘥. 𝘚𝘰, 𝘮𝘺 𝘳𝘦𝘢𝘴𝘰𝘯 𝘧𝘰𝘳 𝘳𝘦𝘴𝘪𝘨𝘯𝘪𝘯𝘨 𝘪𝘴 𝘣𝘦𝘤𝘢𝘶𝘴𝘦 𝘐 𝘩𝘢𝘥 𝘢 𝘣𝘪𝘨 𝘰𝘱𝘱𝘰𝘳𝘵𝘶𝘯𝘪𝘵𝘺 𝘯𝘢 𝘥𝘶𝘮𝘢𝘵𝘪𝘯𝘨 𝘴𝘢‘𝘬𝘪𝘯. 𝘈𝘯𝘥 𝘯𝘰𝘸...𝘶𝘩...𝘣𝘶𝘮𝘢𝘣𝘢𝘭𝘪𝘬 𝘢𝘬𝘰 𝘴𝘢 𝘐𝘉𝘊𝘌 —𝘐𝘉𝘌— 𝘣𝘦𝘤𝘢𝘶𝘴𝘦 𝘐 𝘸𝘢𝘯𝘵 𝘵𝘰 𝘵𝘢𝘬𝘦 𝘢𝘤𝘤𝘰𝘶𝘯𝘵𝘢𝘣𝘭𝘦 [𝘴𝘢] 𝘬𝘶𝘯𝘨 𝘢𝘯𝘰 𝘮𝘢𝘯 𝘢𝘯𝘨 𝘯𝘢𝘨𝘢𝘸𝘢 𝘬𝘰 𝘥𝘢𝘵𝘪.”

Bago matapos ang kaniyang oras, ipinahayag din niya ang hangarin ngayong Student Council Election 2026, “𝘈𝘯𝘥 𝘨𝘶𝘴𝘵𝘰 𝘬𝘰𝘯𝘨 𝘣𝘶𝘮𝘢𝘸𝘪 𝘵𝘰 𝘢𝘭𝘭 𝘐𝘉𝘌 𝘴𝘵𝘶𝘥𝘦𝘯𝘵𝘴, 𝘯𝘢 𝘴𝘢𝘯𝘢 𝘱𝘢𝘨𝘬𝘢𝘵𝘪𝘸𝘢𝘭𝘢𝘢𝘯 𝘯𝘪𝘺𝘰 𝘢𝘬𝘰 𝘶𝘭𝘪𝘵.”

Samantala, matapos makilala at makilatis ng mga estudyante ang mga humahabol na kandidato sa naganap na Miting de Avance, nakatuon na ngayon ang atensyon ng lahat sa darating na Student Council Election 2026 sa MCC.

𝘜𝘭𝘢𝘵 𝘯𝘪: 𝘒𝘢𝘳𝘺𝘭𝘭𝘦 𝘔𝘢𝘨𝘢𝘯𝘵𝘦
𝘒𝘶𝘩𝘢𝘯𝘨 𝘓𝘢𝘳𝘢𝘸𝘢𝘯 𝘯𝘪: 𝘑𝘢𝘴𝘮𝘪𝘯 𝘔𝘢𝘭𝘪𝘵
𝘗𝘢𝘨𝘭𝘢𝘭𝘢𝘱𝘢𝘵 𝘯𝘪: 𝘑𝘶𝘭𝘪𝘢 𝘖𝘤𝘢𝘮𝘱𝘰

𝗞𝗔𝗧𝗢𝗧𝗢𝗛𝗔𝗡𝗔𝗡 𝗕𝗔𝗚𝗢 𝗦𝗔𝗠𝗔𝗛𝗔𝗡: 𝗨𝘀𝗮𝗽𝗶𝗻 𝘂𝗸𝗼𝗹 𝘀𝗮 𝗜𝗻𝘁𝗲𝗴𝗿𝗶𝗱𝗮𝗱

MABALACAT CITY COLLEGE - Maalab at puno ng tensyon ang naganap na Miting de Avance noong Mayo 16, 2026 sa Dapdap Campus ng Mabalacat City College (MCC). Ang kilos ay hirit ng mga partido upang mapatunayan ang kanilang sarili at makuha ang tiwala ng pamayanang mag-aaral bago ang nalalapit na Student Council Election.

Naging pundasyon ng talakayan ang integridad ng mga nagnanais mamuno—isa na rito ang mula sa Institute of Teacher Education (ITE). Isa sa mga umani ng atensyon ay si Bryan Lukina, na tumatakbo sa posisyon ng Gobernador sa ilalim ng Kabyasnan Party.

Naging prangka at palaban ang sagot ni Lukina nang ihain sa kaniya ang katanungan ukol sa katapatan at samahan sa pulitika.

"Humahabol ka bilang Gobernador ng ITE. Kung sakaling isa sa inyong pinakamalapit na kaalyado ang masangkot sa anomalya o katiwalian, handa ka bang piliin ang katotohanan kahit kapalit nito ang pagkawala ng maayos ninyong samahan?"

Walang pag-aalinlangan ang naging sagot ng kandidato

"𝘔𝘢𝘴 𝘱𝘪𝘱𝘪𝘭𝘪𝘪𝘯 𝘬𝘰𝘯𝘨 𝘵𝘢𝘯𝘨𝘨𝘢𝘭𝘪𝘯 𝘢𝘯𝘨 𝘪𝘴𝘢 𝘴𝘢 𝘢𝘬𝘪𝘯𝘨 𝘤𝘰𝘶𝘯𝘤𝘪𝘭 𝘯𝘢 𝘯𝘢𝘩𝘢𝘩𝘢𝘳𝘢𝘱 𝘴𝘢 𝘨𝘢𝘯𝘪𝘺𝘢𝘯𝘨 𝘤𝘢𝘴𝘦. 𝘉𝘢𝘬𝘪𝘵 𝘬𝘰 𝘪𝘱𝘢𝘨𝘱𝘢𝘱𝘢𝘵𝘶𝘭𝘰𝘺 𝘴𝘪𝘺𝘢, 𝘪𝘧 𝘮𝘢𝘨𝘪𝘨𝘪𝘯𝘨 𝘴𝘢𝘯𝘩𝘪 𝘭𝘢𝘯𝘨 𝘥𝘪𝘯 𝘯𝘢𝘮𝘢𝘯 𝘴𝘪𝘺𝘢 𝘴𝘢 𝘪𝘴𝘴𝘶𝘦 𝘯𝘨 𝘣𝘶𝘰𝘯𝘨 𝘤𝘰𝘶𝘯𝘤𝘪𝘭?" saad ni Lukina.

Lalo pang pinagtibay ni Lukina ang kaniyang kasagutan nang bitawan ang mga salitang, "𝘐𝘵'𝘴 𝘣𝘦𝘵𝘵𝘦𝘳 𝘵𝘰 𝘤𝘩𝘰𝘰𝘴𝘦 𝘵𝘰 𝘳𝘦𝘮𝘰𝘷𝘦 𝘵𝘩𝘢𝘵 𝘱𝘦𝘳𝘴𝘰𝘯 𝘧𝘳𝘰𝘮 𝘵𝘩𝘦 𝘤𝘰𝘶𝘯𝘤𝘪𝘭 𝘪𝘯𝘴𝘵𝘦𝘢𝘥 𝘰𝘧 𝘩𝘢𝘷𝘪𝘯𝘨 𝘢𝘯 𝘪𝘴𝘴𝘶𝘦 𝘸𝘪𝘵𝘩 𝘵𝘩𝘦 𝘸𝘩𝘰𝘭𝘦 𝘤𝘰𝘮𝘮𝘶𝘯𝘪𝘵𝘺."

Sa papalapit na araw ng halalan, patuloy na sinusubaybayan ng komunidad ng Mabalacat City College (MCC) kung sino ang mga kandidato na patuloy na titindig sa kanilang mga plataporma at pangako sa oras na sila ay maupo sa puwesto.

𝘜𝘭𝘢𝘵 𝘯𝘪: 𝘎𝘪𝘢𝘯𝘯 𝘔𝘢𝘳𝘪𝘰𝘯 𝘓𝘢𝘤𝘴𝘰𝘯
𝘒𝘶𝘩𝘢𝘯𝘨 𝘓𝘢𝘳𝘢𝘸𝘢𝘯 𝘯𝘪: 𝘑𝘢𝘴𝘮𝘪𝘯 𝘔𝘢𝘭𝘪𝘵
𝘗𝘢𝘨𝘭𝘢𝘭𝘢𝘱𝘢𝘵 𝘯𝘪: 𝘑𝘶𝘭𝘪𝘢 𝘖𝘤𝘢𝘮𝘱𝘰