Sulo

Sulo Vlogs 5: Ang Sikreto ng Ligtas na Balik Eskwela

Alam naman natin kung gaano karami ang isyu na hinaharap ng bawat mamamayan ngayong nagka-pandemya. Kabilang na rito ang pagdarami ng mga tumigil muna sa pag-aaral dahil sa kahirapan.

Sa ikahuling bahagi ng rebyu ng mga miyembro ng Sulô sa aklat ni Rhonda Byrne na The Secret, ating sinsinin kung epektibo nga ba ang sinasabing Law of Attraction bilang solusyon sa pagpapatuloy ng edukasyon sa gitna ng pandemya.

Ano nga ba ang tunay na sikreto sa pagkamit ng ?

Sulo Vlogs 2: Sa Pagsipat sa Sikreto at ang Adbokasiya sa Lipunan at Edukasyon

Sa ikalawang bahagi ng pagsipat ng mga miyembro ng Sulô sa aklat ni Rhonda Byrne na The Secret na inilathala noong 2006, binigyan ng kritika ang ideya at ang paggamit ng Law of Attraction (o ang The Secret ayon kay Byrne) sa kasalukuyang sistema ng lipunan.

Ayon sa rebyu na ito, ang pagiging positibo at optimistiko sa lahat ng oras na isa sa mga pangunahing ideya ng Law of Attraction ay maaaring magdulot ng toxic positivity na kung saan hindi binibigyang-pansin ang tunay na nararamdaman at kalagayan ng indibidwal ukol sa mga suliraning nakaaapekto sa kanya at sa kapwa kasapi ng lipunan.

Isa sa mga mahalagang aral na mapupulot sa kritika ay ang kaisipan na ang kahirapan at anumang uri ng hindi pagkakapantay-pantay ay isang uri paglabag sa karapatang-pantao.

Ang pagkakaroon ng ligtas, de-kalidad, at ingklusibong edukasyon ay isang batayang serbisyong panlipunan at karapatan na dapat ay matamasa ng bawat mamamayang Pilipino, anuman ang kanyang katayuan sa lipunan, at ang hindi pagpansin o hindi sapat na pagtugon sa mga kasalukuyang problema nito ay isang pagyurak sa karapatan ng bawat mamamayan.

Mula sa rebyu, sinasabi na magiging ganap ang kahulugan at esensya ng Law of Attraction sa bawat isa kung ang lipunan na kinabibilangan ng mga ito ay malaya sa anumang uri ng hindi pagkakapantay-pantay at nakapagbibigay ng oportunidad sa bawat isa na umunlad.

Maituturing na malaking hamon sa kasalukyang panahon ang pagiging ganap ng Law of Attraction sa kaisipan na ang susi sa pag-unlad ng lipunan ay ang de-kalidad na edukasyon dahil sa pagkakaroon ng iba't ibang uri ng problema na nakaaapekto sa bawat isa. Ito rin ay nananawagan ng panlipunang pagbabago.





Musikang ginamit: Down With The Sickness by Disturbed (Instrumental Version)