BayLayn

PINAIGTING ng Ang Pahayagang Plaridel, katuwang sina Anjo Bagaoisan at Mark Villaluna, ang kasanayan ng mga estudyanteng mamamahayag sa isinagawang Para sa Bayan at Lasalyano (BayLayn) 2025 na may temang “Pagyakap sa Pagbabago: Balanseng Paggamit ng Social Media Trends sa Pamamahayag” sa Pamantasang De La Salle – Maynila nitong Sabado, Abril 5.

Dinaluhan ang 2025 ng 54 na paaralan mula sa iba’t ibang panig ng bansa, tangan ang layuning palalimin ang kanilang kamalayan sa mga isyung panlipunan. Tampok sa programa ang serye ng mga workshop, adviser’s forum, at mga timpalak na nakatuon sa paglinang ng mapanuri at responsableng pananaw sa larangan ng midya.