DXGT Radyo Abante 92.1 FM

𝗦𝗘𝗡. 𝗖𝗛𝗜𝗭 𝗡𝗔𝗡𝗚𝗔𝗬𝗢 𝗢𝗚 𝗣𝗔𝗚𝗦𝗔𝗕𝗢𝗧 𝗨𝗚 𝗦𝗨𝗣𝗢𝗥𝗧𝗔 𝗚𝗜𝗞𝗔𝗡 𝗦𝗔 𝗣𝗨𝗕𝗟𝗜𝗞𝗢.

Nangayo og pagsabot ug pag-ampo si Senador Francis “Chiz” Escudero gikan sa publiko samtang nagpadayon ang pagsagubang sa Senado sa panagbangi nga nagdala og kalangan sa normal nga operasyon sa institusyon.

Matod pa ni Escudero, dili na mamahimong magpadayon ang kasamtangang sitwasyon tungod kay naapektuhan na ang katakus sa Senado sa pagtuman sa mandato niini para sa katawhan.

“Hinihiling ko ang inyong pag-unawa sa amin, kasabay ng inyong panalangin para sa inyong Senado na malampasan ang hamon na ito,”matod pa ni Escudero.

Gipahumandok sa senador nga ang iyang nahimong desisyon dili pagpabor sa bisan kinsang grupo o paksyon, kondili pagpanalipod sa institusyon sa Senado.

Matod niya, kinahanglang mopatigbabaw ang katungkulan sa nasod aron mabalik ang hapsay nga dagan sa Mataas nga Kapulungan (Senado) taliwala sa nagtunhay nga tensyon sa mga senador.