AFAB GAD Corner

𝐀𝐧𝐭𝐢-𝐑𝐚𝐩𝐞 𝐋𝐚𝐰 𝐚𝐧𝐝 𝐀𝐧𝐭𝐢-𝐓𝐫𝐚𝐟𝐟𝐢𝐜𝐤𝐢𝐧𝐠 𝐢𝐧 𝐏𝐞𝐫𝐬𝐨𝐧𝐬 𝐀𝐜𝐭, 𝐭𝐢𝐧𝐚𝐥𝐚𝐤𝐚𝐲 𝐬𝐚 𝐀𝐅𝐀𝐁 𝐆𝐀𝐃 𝐂𝐨𝐧𝐠𝐫𝐞𝐬𝐬 𝐛𝐢𝐥𝐚𝐧𝐠 𝐩𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐍𝐚𝐭𝐢𝐨𝐧𝐚𝐥 𝐖𝐨𝐦𝐞𝐧’𝐬 𝐌𝐨𝐧𝐭𝐡

Matagumpay na isinagawa ng Authority of the Freeport Area of Bataan (AFAB), sa pamamagitan ng Gender and Development (GAD) Committee nito, ang “GAD Congress: An Awareness Orientation on Anti-Rape Law and Anti-Trafficking in Persons Act” bilang bahagi ng pagdiriwang ng National Women’s Month.

Tinalakay sa nasabing aktibidad ang mahahalagang probisyon ng Republic Act No. 8353 o Anti-Rape Law of 1997, gayundin ang Republic Act No. 9208 o Anti-Trafficking in Persons Act of 2003, na pinalawak sa ilalim ng Republic Act No. 11862. Layunin nitong palalimin ang kaalaman ng buong FAB Community hinggil sa mga batas na nagtataguyod ng karapatan at proteksyon ng kababaihan, at isulong ang isang ligtas at gender-fair workplace.

Pinatunayan ng aktibidad na ito ang mariing pagsuporta ng AFAB sa adbokasiya ng patas na pagtinging sa bawat kasarian at pagpapahalaga sa mahalagang papel ng kababaihan sa isang mayabong at matagumpay na Freeport Area of Bataan.

𝐏𝐚𝐫𝐚𝐝𝐚 𝐏𝐚𝐫𝐚 𝐊𝐚𝐲 𝐉𝐮𝐚𝐧𝐚: 𝐀𝐰𝐚𝐫𝐞𝐧𝐞𝐬𝐬 𝐌𝐚𝐫𝐜𝐡

Noong umaga ng ika-6 ng Marso 2026, muling nagkaisa ang buong FAB Community sa taunang Parada Para Kay Juana bilang hudyat ng pagdiriwang ng National Women’s Month.

Nakiisa ang mga kumpanya sa FAB, kanilang mga manggagawa, lokal na pamahalaan ng Mariveles, mga paaralan, at iba pang organisasyong bumubuo ng FAB upang ipakita ang suporta sa adhikaing magkaroon ng patas na karapatan at pagtingin sa mga kababaihan at lahat ng kasarian.

Muli, nagpapasalamat po ang AFAB sa inyong pakikiisa sa panahong mas kailangang dumagundong ang ating tinig sa mga lansangan - ipaalam, isigaw, at ipagdiwang ang kagalingan, kagandahan, at kamangha-manghang Juana.

Para sa isang FAB na nagmamahal, nag-iingat, at kumikilala sa lakas at halaga ng ating mga kababaihan.

Abante, Babae!