The Ahon Project

𝐔𝐏𝐃𝐀𝐓𝐄 | #𝐀𝐡𝐨𝐧𝐏𝐥𝐚𝐜𝐞𝐫 𝐏𝐫𝐨𝐣𝐞𝐜𝐭

Malamposon ang The Ahon Project (TAP) sa ilahang unang pagpanghatag sa mga materyales sa mga apektado sa niaging Bagyong Opong. Kini nga kalihukan pamatuod sa kung unsa ang makab-ot sa dedikado nga komunidad kung magtinabangay ug makig-ambit sa usag-usa.

Gisugdan sa The Ahon Project ang pagpanghatag sa maong materyales sa Brgy. Ban-ao kagainang buntag ug nagpadayon hangtud sa kahaponon sa balay ni SB Mayet sa Sitio Puna, para sa pagpanghatag nasad sa mga materyales sa uban pang barangay sa Placer.

Ang nahimong pagpaningkamot nga gipangulohan sa mga Lider sa TAP ug ni SB Mayet Espinosa Lepatan, dili lang yano nga kalihukan apan usa ka bilihon nga sugilanon sa paglaum–nagapakita nga ang tinuod nga pundasyon sa pagbangon natukod sa planado nga aksyon, ug kinasingkasing nga pag-alagad sa katawhan.

Bahin sa project, kung kamo nakaila ug pamilya nga ang balay hingpit nga naguba sa bagyong opong, palihug ug komento sa ilang tagsa-tagsa ka adress uban sa mga pictures nga gamiton para sa validation. Mahimo usab kamo nga mokontak sa TAP pinaagi sa messenger o email.

TAP us, and let’s AHON together!

- - - - -


🫶🧡💙