MCDBN Page

Dear Fellow Filipinos,

Ang usapin kung iri-renew ang prangkisa ng ABS-CBN ay hindi mababaw na isyu tulad ng mababaw na rason ni Katay Digong para ipasara ang himpilan. Malinaw sa kanya na ang ABS-CBN, ang itinuturing na isa sa mga pinakamalaking media company sa Asya, ay higanteng simbulo ng kalayaan sa pamamahayag na pundasyon ng ating demokrasya.

Wala itong pinagkaiba sa gobyerno ni Marcos na pinatahimik ang media, kasama ang ABS-CBN, noong Maritial Law dahil sa pagiging kritiko nito sa kanyang diktadura. Hindi niya nahawakan sa leeg ang noo'y pinakamalawak na news media sa Pilipinas kaya bukod sa pagpapasara ay ipinakulong nito ang pamilyang Lopez.

Ngayon na ang gobyerno ay kaliwa't kanang nasasaktan sa paninindigan ng ABS-CBN na gawin ang trabaho nito, susubukan niyang patahimikin ang network na naririnig at napapanood sa maraming parte ng mundo. At tulad ng idol niyang diktador, takot na takot siyang marinig ang tunay na boses ng bayan na nagsasabing palpak ang pamumuno niya sa bayan!