Juander Radyo Mati 106.3 FM

𝗖𝗥𝗜𝗠𝗘 𝗣𝗥𝗘𝗩𝗘𝗡𝗧𝗜𝗢𝗡 𝗧𝗜𝗣𝗦 𝗚𝗜𝗣𝗔𝗛𝗜𝗚𝗔𝗬𝗢𝗡 𝗦𝗔 𝗞𝗔𝗣𝗨𝗟𝗜𝗦𝗔𝗡
‎
‎Gipangunahan ni PCPT Ariel Ismael, Deputy Chief of Police sa Mati City Police Station ang paghatag ug kahibalo sa mga magtutudlo ug sa mga estudyante kung unsa ang mga angay ug dili angay buhaton sulod sa tulunghaan kung ugaling adunay mga mahitabo nga dili maayo.
‎
‎Ang aktibidad gipahigayon sa Mati School of Arts and Trades (MSAT) karung adlawa Hulyo 8, 2026 pinaagi sa liderato ni School Principal Mr. Rojas, uban sa tanang magtutudlo.
‎
‎Tuyo ug tumong sa maong kalihukan ang pag hatag ug kahibalo sa mga magtutudlo maykalabutan sa mga crime prevention tips, safety sa mga magtutungha o magtutudlo ug ang kanunay nga monitoring alang sa kaluwasan sa tanan.
‎
‎Lakip sa giplanohan nga mahitabo ang Memorandum of Understanding isip pag ila sa panaghiusa sa kapulisan ug sa komunidad ilabi na sa mga magtutudlo ug mga tinun-an diin ilalom kini sa mandato sa PNP ilabi na niining pag saulog sa PCR Month.

𝗠𝗔𝗧𝗜 𝗖𝗜𝗧𝗬 𝗣𝗢𝗟𝗜𝗖𝗘 𝗦𝗧𝗔𝗧𝗜𝗢𝗡 𝗡𝗔𝗚𝗣𝗔𝗛𝗜𝗚𝗔𝗬𝗢𝗡 𝗨𝗚 𝗖𝗢𝗨𝗥𝗧𝗘𝗦𝗬 𝗖𝗔𝗟𝗟 𝗦𝗔 𝗝𝗨𝗔𝗡𝗗𝗘𝗥 𝗥𝗔𝗗𝗬𝗢 𝗠𝗔𝗧𝗜

Nagpahigayon ug courtesy call ang mga personahe sa Mati City Police Station sa pagpanguna ni PMAJ ARIEL ISMAEL, Deputy Chief of Police ngadto sa Juander Radyo Mati 106.3 ug gihisgutan ang mga plano tali sa duha ka estayonan karung adlawa, Hulyo 08, 2026.

Atol sa maong pagbisita, gihisgutan sa duha ka panig ang ilang mga plano aron mapalig-on ang kooperasyon sa paghatod sa tukmang impormasyon ngadto sa publiko.

Lakip usab sa gihisgutan ang mga programa ug lakang sa kapulisan batok sa kriminalidad ug uban pang isyu nga may kalabotan sa kalinaw ug kahapsay sa siyudad.

Giplano usab ang umaabot nga pagbisita sa mga opisyal sa Mati City Police Station isip mga bisita sa programa sa Juander Radyo Mati aron mapadayag sa publiko ang ilang mga kalihokan ug mga inisyatibo sa pagserbisyo sa komunidad.

𝗧𝗔𝗡𝗔𝗪𝗔|

Munisipyo sa Tarragona gitay-og ug 2.9 magnitude nga linog pasado alas 2:58 karung hapon, Hulyo 08, 2026.

📷 PHIVOLCS

𝗟𝗔𝗣𝗨-𝗟𝗔𝗣𝗨 𝗖𝗜𝗧𝗬 𝗥𝗘𝗚𝗜𝗢𝗡𝗔𝗟 𝗧𝗥𝗜𝗔𝗟 𝗖𝗢𝗨𝗥𝗧 𝗚𝗜𝗔𝗣𝗥𝗢𝗕𝗔𝗛𝗔𝗡 𝗔𝗡𝗚 𝗣𝗘𝗧𝗜𝗦𝗬𝗢𝗡 𝗡𝗜 𝗗𝗜𝗦𝗖𝗔𝗬𝗔 𝗔𝗟𝗔𝗡𝗚 𝗦𝗔 𝗣𝗜𝗬𝗔𝗡𝗦𝗔

Gi-aprobahan sa Lapu-Lapu City Regional Trial Court (RTC) Branch 27 ang piyansa ni Sarah Discaya, kinsa mas naila nga kontraktor ug nalambigit sa kontrobersyal nga kaso sa "ghost" flood control project nga nagkantidad og P96.5-milyones sa Davao Occidental.

𝗗𝗘𝗣𝗘𝗗 𝗠𝗔𝗚𝗣𝗔𝗛𝗜𝗚𝗔𝗬𝗢𝗡 𝗨𝗚 𝗔𝗖𝗧𝗜𝗩𝗘 𝗦𝗛𝗢𝗢𝗧𝗜𝗡𝗚 𝗗𝗥𝗜𝗟𝗟𝗦

Plano karun na mag lungsad ang Department of Education (DepEd) og active shooting drills sa mga eskwelahan aron maandam ang mga estudyante ug magtutudlo sa hustong buhaton ug angay nga tubag kon adunay mahitabong pagpamusil sulod sa eskwelahan sa umaabot.

Pinaagi niini nga mga pagbansay, tudloan ang mga partisipante sa mga pamaagi sa pagpanalipod sa ilang kaugalingon, paglikay sa peligro, ug pagsunod sa mga panudlo sa mga awtoridad panahon sa emerhensiya. Ang tumong mao ang pagpalig-on sa kahibalo ug kahandam sa tibuok komunidad sa eskwelahan.

Gipatin-aw sa DepEd nga ang maong programa kabahin sa pagpalambo sa kaluwasan sa mga eskwelahan ug dili aron hadlokon ang mga estudyante. Hinunoa, kini usa ka lakang aron masiguro nga ang tanan andam ug nasayod sa hustong lihok kung adunay dili maayong panghitabo.