MAM NEWWW
Share
Save Myanmar
11/09/2021
ကုလသမဂ္ဂတွင် NUG ကို အစိုးရအဖြစ် တရားဝင် အသိအမှတ်ပြုရေး ဖောင်းကားကျေးရွာ သပိတ်စစ်ကြောင်း ချီတက် ဆန္ဒပြ
ရန်ကုန်၊ စက်တင်ဘာ ၁၁
ဆားလင်းကြီးမြို့နယ်တွင် ယနေ့ စက်တင်ဘာလ ၁၁ ရက်နေ့က ကုလသမဂ္ဂတွင် NUG ကို အစိုးရအဖြစ် တရားဝင် အသိအမှတ်ပြုရေး ဖောင်းကားကျေးရွာ သပိတ်စစ်ကြောင်း ဦးဆောင်ကာ ချီတက် ဆန္ဒပြခဲ့ကြောင်း သိရသည်။
Photo Crd - မုံရွာလူထုသပိတ်တိုက်ပွဲ ဦးဆောင်ကော်မတီ
11/09/2021
လူမှုကွန်ရက်တွင် ပြန့်နှံ့နေသော ဖမ်းဆီးနှိပ်စက်ခံရစဉ် လက်သုံးချောင်းထောထားသူ ၂ ဦးမှာ ကရင်နီလူငယ် ပါစကွားလယ်နှင့်ဖီဒေးလယ် တို့ဖြစ်နေ
ရန်ကုန်၊ စက်တင်ဘာ ၁၁
ဖမ်းဆီး နှိပ်စက်ခံထားရသည့် ဒဏ်ရာများဖြင့် ဒူးထောက်လျက်အနေအထားဖြင့် ကြိုးတုပ်ဖမ်းဆီးခံရထားသူ လူငယ်နှစ်ဦးမှာ ကရင်နီပြည်နယ် စံပြ ၆မိုင်ဘက်မှ လူငယ်များဖြစ်ကြောင်း ၎င်းတို့ကို သိရှိသူ ကရင်နီဒေသခံတစ်ဦးက အတည်ပြုသည်။
လူငယ် နှစ်ဦး အသက်မှာ ၁၇၊ ၁၈နှစ်အရွယ် ဖီဒေးလယ်နှင့် ပါစကွားလယ်တို့ဖြစ်ပြီး နေရပ်မှာ ၆မိုင်အုပ်စု ကယောပိုင်းမှဖြစ်ကြောင်း ၎င်းတို့နှင့်အတူ အလုပ် လုပ်ကိုင်သူ အဆိုပါဒေသခံက ပြောသည်။
"ရွာအပြင်ဘက်မှာ စစ်ဘေးရှောင်နေတာပါ။ မနက်ကျတော့ ရွာအခြေအနေသိချင်လို့ ရွာထဲ ပြန်လာကြည့်တာပါ။ သူတို့ နှစ်ယောက် စစ်ကြောင်းနဲ့တိုးသွားပြီး အဖမ်းခံရတာပါ" ဟု ၎င်းက ပြောသည်။
"ပြီးခဲ့တဲ့ ၂ရက် (စက်တင်ဘာ ၉ရက်)က အဖမ်းခံရတာပါ။ ဖမ်းသွားတာတော့ ၁၀၂တပ်ကဗျ။ ဒီဓာတ်ပုံ ဘယ်လိုထွက်လာသလဲ ကျွန်တော်လည်း အဲဒါစဉ်းစားနေတာ" ဟု ၎င်းက ထပ်မံပြောကြားသည်။
"(ဓာတ်ပုံထဲက လူငယ်နှစ်ဦး)သူတို့က ကရင်နီပြည်က စံပြ ၆မိုင်က လူငယ်တွေပါ။ အတည်ပြုနိုင်ပါတယ်" ဟု ကရင်နီတပ်မတော်မှ သတင်းရင်းမြစ်တစ်ဦးကလည်း ပြောဆိုသည်။
၎င်းတို့သည် ပြည်သူ့ကာကွယ်ရေးတပ်ဖွဲ့ဝင်များမဟုတ်ဘဲ သာမန်အရပ်သားလူငယ်များသာဖြစ်ပြီး အကြမ်းဖက်စစ်တပ်က သတ်ဖြတ်လိုက်ပြီဖြစ်ကြောင်း လူငယ်တစ်ဦး၏ ဆွေးမျိုးတစ်ဦးက ၎င်း၏ လူမှုကွန်ရက်တွင် ဖော်ပြထားသော်လည်း ယင်းဖော်ပြမှုကို အတည်ပြုနိုင်ခြင်းမရှိသေးပါ။
စစ်တပ်ထောက်ခံသူအသိုင်းအ၀ိုင်းဘက်က ယင်းဓာတ်ပုံကို စတင်ဖြန့်ချိခဲ့ပြီး နောက်ဆုံး ထွက်သက်မတိုင်မီ လုပ်ချင်ရာ လုပ်ခွင့်ပြုခဲ့ကြောင်း၊ ယင်းနောက် ဦးခေါင်းအတွင်းသို့ ကျည်ဆန်ပစ်သွင်းခဲ့ကြောင်း လူမှုကွန်ရက်များတွင် ရေးသားဖော်ပြထားသည်။
ဓာတ်ပုံတွင် အင်္ကျီအနီရောင်ဝတ်ဆင်ထားသူ- ပါစကွားလယ်
ဓာတ်ပုံတွင် အင်္ကျီအပြာရောင် လက်တိုဝတ်ထားသူ - ဖီဒေးလယ်
( Rise News သတင်းဌာန၏ မူရင်းသတင်းဖြစ်ပါသည်။ ရန်ကုန်ခေတ်သစ်သည် Rise News နှင့် မဟာမိတ်သတင်းဌာနဖြစ်သည်)
Click here to claim your Sponsored Listing.
Category
Website
Address
Meycawayan
