CLSU Development Communication Student Council

𝗗𝗲𝘃𝗖𝗼𝗺𝗽𝗼𝘀𝗲𝗱 | Hawla
‎
‎Gapos ng mga iniingatang lihim
‎ng tunay na pagkatao
‎Sa likod ng makakapal na rehas
‎Nahihimlay ang isang presong nangangatog na
‎Sa mga gabing nakabubulag sa dilim
‎ang kalangitan
‎Kung saan tulog man o gising ay
‎Tila'y nasa bangungot pa rin ng nakaraan
‎
‎Sa kung saan nag iingay ang kadiliman
‎kung saan namamaluktot
‎Hele ang sarili sa pagluha
‎Nananalukbong sa lilim ng takot at pagdududa
‎Dinig ang kalansing
‎ng patong-patong na kasalanan
‎Sa mga tanikalang sumisigaw na
‎"Hanggang d'yan ka nalang"
‎
‎Maraming akong sugat na hindi alam ng iba
‎tinatago sa masayahing mukha
‎Upang hindi mahalatang ako'y mahina
‎Ngunit sa mga sandaling bumabalik ang kirot
‎Ay tila nalalagutan ako ng hininga
‎
‎Mistulang lason sa aking dugo
‎ang bawat pag ngiti at pagtawa
‎Kahit ang pagbabalatkayo sa harap ng iba
‎At pagpapakitang ako'y masaya
‎ay hindi parin pala sapat
‎'Pagkat ang pagkukunwari'y nagdudulot din
‎ng panibagong sugat.
‎
‎Mas malalim. Mas masakit.
‎Hindi ako humingi ng tulong sa iba
‎hindi dahil kaya ko pa
‎Kundi dahil hindi ko alam
‎kung paano magtitiwala, kanino mag titiwala?
‎Sa kalunos-lunos kong kalagayan
‎sa loob ng aking hawla
‎Sino sa aki'y tunay na nakakakilala?
‎Sino ang nakakabatid ng aking tunay na nadarama?
‎Sinong magnanais sagipin ang isang presong naghihintay na lamang malagutan ng hininga?
‎
‎Hanggang sa sandaling
‎handa nang wakasan ang lahat
‎Handa nang itarak ang tabak
‎Ay may isang tinig na sa akin ay tumawag
‎Ang sambit ay "Malaya ka na"
‎Mga salitang matagal nang naglaho
‎Sa aking isipan, at hindi inaasahang
‎mapararangalan ng mga katagang
‎"Bayad na ang iyong mga kasalanan"
‎
‎Tila ba ako'y naipit sa isang sigalot
‎Sa pagtatalo ng aking puso at isipan
‎Ngunit piniling lumuhod,
‎piniling lumuha sa kanyang paanan
‎At ang mga palad ko'y Kanyang binuksan.
‎_________________________
Written by Jasmine Neri
Illustration by Francis Anodan

𝗪𝗶𝘀𝗵𝗶𝗻𝗴 𝗮 𝘄𝗼𝗻𝗱𝗲𝗿𝗳𝘂𝗹 𝗛𝗮𝗽𝗽𝘆 𝗕𝗶𝗿𝘁𝗵𝗱𝗮𝘆 𝘁𝗼 𝗼𝘂𝗿 𝘁𝗮𝗹𝗲𝗻𝘁𝗲𝗱 𝗗𝗖𝗦𝗖 𝗠𝘂𝗹𝘁𝗶𝗺𝗲𝗱𝗶𝗮 𝗧𝗲𝗮𝗺 𝗟𝗮𝘆𝗼𝘂𝘁 𝗔𝗿𝘁𝗶𝘀𝘁, Sarah! 🥳

Every marvelous design you create is not just about visuals, it is about the creativity and passion you pour in every frame. We commend you for turning your ideas into magic.

May this new year of your life be colorful, and bring you endless inspiration, opportunities, and moments as vibrant as your frames.

Together with your Multimedia Team, keep painting your journey with success, joy, and spreading light to every adventure of your life you will take. 🌟

You are not just a princess, you are a queen.

𝗛𝗮𝗽𝗽𝘆 𝗕𝗶𝗿𝘁𝗵𝗱𝗮𝘆, 𝗗𝗖𝗦𝗖-𝗠𝗠𝗧 𝗟𝗮𝘆𝗼𝘂𝘁 𝗔𝗿𝘁𝗶𝘀𝘁 𝗦𝗮𝗿𝗮𝗵!