WATCH HotSpot ZONE RDMES

Ang dapat mong tandaan
May mga importanteng bagay na maaari nating gawin upang mapanatiling ligtas ang ating mga pamilya at komunidad laban sa coronavirus (COVID-19).

Maghugas ng mga kamay nang madalas Gumamit ng sabon at tubig o hand sanitizer. Makakatulong ito na manatili tayong ligtas sa COVID-19, na maaaring manirahan nang maraming araw sa mga ibabaw ng mga bagay.
Panatilihin ang agwatang distansya na hindi bababa sa 1.5 metrong layo sa ibang tao.
Kailangan mong magsuot ng maskara kung lalabas ka ng bahay. Kasama rito ang mga loob at labas. Ito ay nagpapababa sa peligro ng pagkalat ng COVID-19.
Hindi maaaring may mga bisita ka sa iyong bahay o bumisita ka sa ibang bahay. Ang mga malapit na kapartner ay maaaring bumisita sa iyong bahay.
Iba-ibang mga patakaran ang paiiralin depende kung ikaw ay nakatira sa kalakhang Melbourne o sa rehiyon ng Victoria. Dapat kang maging maalam sa mga paghihigpit na ipinapairal sa inyong lugar.
Kung ikaw ay may karamdaman, magpasuri at manatili sa bahay. Ang pagpapasuri nang maaga, kahit na banayad lang ang iyong mga sintomas, ay makakatulong na pabagalin ang pagkalat ng COVID-19.
Ang pagpapasuri para sa coronavirus (COVID-19) ay libre para sa lahat. Kabilang dito ang mga taong walang Medicare card, tulad ng mga bisita mula sa ibang bansa, mga manggagawang migrante at mga taong humihiling ng asylum.
Magpabakuna laban sa COVID-19 kung karapat-dapat kang mabakunahan.