Likha at Akda

Bakit ka nga ba nandito?
Balikan mo ang mga rason.
Kung hindi na iyon,
hindi ka na dapat nandito.

Kung hindi na ang iyong nasa
At ang paligid ay di na tugma
Marahil ikaw ay nawawala
Nawa'y mapunta ka sa tama

Kung matagpuan mo man uli
Ang dahilan kung bakit nagawi
Nawa'y hindi ka pa nahuhuli
Para hubugin uli ang sarili

Nawa'y sa iyong pagbalik
Dadatna'y di nawala ang sabik
At may panahon pang patunayan
Nararapat ka sa kinalalagyan.