Pinagpalit

Hindi laging umuulan. Hindi laging ganito.

Minsan, napapatanong tayo kung bakit may mga panahong hindi talaga umaayon sa atin ang mundo. Na may mga pagkakataong akala natin perpekto na ang araw dahil maaliwalas ang kalangitan pero bigla pa lang bubuhos ang malakas na ulan at babalutin ng itim na ulap ang kalawakan.

Akala natin kalmado na ang ating mga puso’t isipan, pero bigla pala tayong uulanin ng mga problema't pagsubok na hindi natin pinaghandaan.

Ganito talaga siguro ang konsepto ng mundo. Na may mga araw na malayo sa perpekto. Na may mga araw na babagyuhin tayo. Na kahit gaano katibay ang bubong ng ating pagkatao, may papatak at may papatak na luha galing sa ating puso. Masasaktan tayo, mawawala sa balanse at ritmo.

Pero naniniwala pa rin ako na hindi laging ganito.

Na may mga araw na hindi umuulan. May mga araw na maaliwalas ang kalangitan. May mga araw na kalmado ang ating puso’t isipan. May mga araw na sobrang gaan. Alam kong ang problema na ating pinagdadaanan, ang sakit na ating nararamdaman, lahat ng ito ay may katapusan. Lahat ng ito ay may dahilan.

kahit magkulang ka pa sa oras at atensyon, hinding hindi ko hahanapin sa iba yon ☺️