Juan Multi

𝐇𝐢𝐧𝐝𝐢 𝐃𝐚𝐩𝐚𝐭 𝐋𝐚𝐠𝐢𝐧𝐠 𝐒𝐢𝐬𝐢𝐡𝐢𝐧 𝐚𝐧𝐠 𝐌𝐚𝐦𝐚𝐦𝐚𝐲𝐚𝐧 𝐧𝐠 𝐌𝐮𝐧𝐭𝐢𝐧𝐥𝐮𝐩𝐚: 𝐏𝐚𝐧𝐚𝐡𝐨𝐧 𝐧𝐚 𝐏𝐚𝐫𝐚 𝐬𝐚 𝐌𝐚𝐭𝐢𝐛𝐚𝐲 𝐧𝐚 𝐏𝐚𝐦𝐮𝐦𝐮𝐧𝐨

Sa latest post ni Mayor Ruffy Biazon, ating narinig ang paninisi — "kasi may mga ganito, sa kanal, sa pagitan ng mga bahay (may picture ng basura)." Pero bago dapat magturo ng daliri, tanungin muna natin: sigurado ba tayong ang mga basurang iyon ay galing sa mismong lugar kung saan ito napadpad? Sa lakas ng ulan at agos ng tubig, posibleng ang mga basura ay inanod mula sa ibang lugar. Hindi makatarungan na sisihin agad ang mga residente lalo na kung sila mismo ay biktima ng sitwasyon.

Mas mahalagang pagtuunan ng pansin ang mas malalim na ugat ng problema — ang kahinaan sa solid waste management, kakulangan sa maayos na drainage system, at ang hindi palagian o seryosong pagpapatupad ng mga batas ukol sa kalinisan.

Higit sa lahat, ang pamahalaan ang dapat manguna. Kung kulang sa matibay na pamumuno at konkretong aksyon, paulit-ulit lang tayong babalik sa parehong problema. Kailangan ng political will — 'yung desisyong hindi natitinag, para sa kapakanan ng nakararami.

Panahon na para sa sistematikong solusyon, hindi paninisi. Ang pagbabago ay makakamit kung sabay-sabay tayong kikilos — sa pamumuno ng gobyerno at sa partisipasyon ng mamamayan.

Tigilan na ang mga band-aid solution na 'yan! Hindi solusyon ang coco lumber! Puro pa-eklat lang ‘yang ginagawa ng Muntinlupa City Engineer’s Department. Ang kailangan ng Muntinlupa ay maayos, long-term, at matinong plano para sa drainage system! Palakihin ang mga drainage! Magtayo ng pumping station sa mga critical areas!

At kung magpapagawa man kayo ng drainage, siguraduhin ninyong hindi dinadaya ng mga contractor! Halos puno na nga ng lupa ang bagong gawang imburnal, tinabunan pa rin—gaya sa Bayanan, sa Dolleton Street, tapat ng Block 3 malapit sa Barangay Health Center. Halos puno na ang imburnal, tinakpan pa rin para lang sabihing "tapos na." Ganyan ba ang klase ng trabaho na pinapasa ninyo Mayor Ruffy Biazon?

Kung seryoso kayo, gawing U-type concrete drainage na may slab sa ibabaw para tuwing tag-araw ay pwedeng buksan at linisin! Hindi 'yung parang disposable na imburnal na once tinakpan, wala nang paraan para malinis. Ang dami niyong pondo pero parang walang utak ang disenyo!

Kung hindi niyo kayang magdisenyo ng maayos, maglakad-lakad kayo sa Singapore o Hong Kong at kopyahin ang sistema nila. Doon, may disiplina, may teknolohiya, at may foresight. Hindi katulad dito na puro palusot at pabor-pabor!

Muntinlupeño, gumising na kayo. Hindi sapat ang pa-coco coco lumber! Concrete solutions ang kailangan ng mga tao, hindi bara-barang solusyon!

Nilustay ang pera ng bayan, pinadaan sa pekeng NGO, at ngayon magmamakaawa sa korte—pero huli na. Sa halip na maglingkod, nangurakot. Sa halip na mamuno, nagnakaw. Sa bandang huli, selda ang sasapitin ni mayor.

Hinatulan sa katiwalian, nasentensiyahan ng kulong, habangbuhay na diskwalipikasyon — pero tahimik ang COMELEC?

Nahatulan na ng Sandiganbayan si Mayor, kasama sina Janet Napoles at apat pang dating opisyal ng gobyerno, dahil sa maanomalyang paggamit ng Priority Development Assistance Fund (PDAF) noong 2007.

Ang parusa: 6 hanggang 8 taon na pagkakakulong, at habambuhay na diskwalipikasyon sa paghawak ng anumang posisyon sa gobyerno.

Kung malinaw ang hatol, bakit nananatili pa rin siya sa puwesto?

Ayon mismo sa Omnibus Election Code, diskwalipikado ang sinumang opisyal na nahatulan sa kasong may moral turpitude — gaya ng graft.

Kaya ang tanong: nasaan ang aksyon ng COMELEC? Dapat natin silang kalampagin