PCY St. Michael - Dampol

𝙋𝘼𝙂𝘽𝘼𝙏𝙄! 𝙈𝙂𝘼 𝗡𝗔𝗚𝗦𝗜𝗣𝗔𝗚𝗧𝗔𝗣𝗢𝗦 𝙣𝙖 𝙈𝙞𝙮𝙚𝙢𝙗𝙧𝙤 𝙣𝙜 𝙖𝙩𝙞𝙣𝙜 𝙆𝙤𝙢𝙞𝙨𝙮𝙤𝙣.

Ikinararangal ng buong Komisyon ng Kabataan ng ating parokya ang inyong pagtatapos na bunga ng inyong dedikasyon at pagsusumikap upang makamit ang inyong mga pangarap. Sa bawat pagsubok na inyong hinarap pinatunayan ninyo na ang tiyaga at pananampalataya ay may magandang bunga.

Dalangin namin na sa bawat hakbang ninyo ay kasama ninyo ang ating Panginoon at si San Miguel upang gabayan kayo sa mga bagong hamon at tagumpay na inyong haharapin. Nawa’y manatili kayong matatag may pananampalataya at handang maglingkod sa kapwa.
Muli taos puso namin kayong binabati. 🎓✨

𝗦𝗔𝗡 𝗠𝗜𝗚𝗨𝗘𝗟 𝗗𝗘 𝗗𝗔𝗠𝗣𝗢𝗟 𝗦𝗔 𝗕𝗜𝗦𝗜𝗧𝗔 𝗡𝗚 𝗦𝗔𝗡𝗧𝗜𝗦𝗜𝗠𝗔

Handa na ang ating Magiting na Patron, si San Miguel Arkanghel, sa kanyang maringal na pakikiisa sa pagdiriwang ng Ika-250 Dakilang Kapistahan ng Mahal na Poong Santisima Trinidad.

Sa kanyang makapangyarihang paggabay at pamamagitan, sama-sama nating salubungin ang makasaysayang pagdiriwang na ito bilang isang sambayanang nagkakaisa sa pananampalataya, pag-asa at pagmamahal sa Diyos.

Halina at makiisa sa banal na paglalakbay ng pananampalataya habang sinasamahan tayo ng ating mahal na patron sa paggunita sa dakilang misteryo ng Santisima Trinidad.

¡Viva la Santisima Trinidad!
¡Viva San Miguel Arkanghel!

𝐁𝐔𝐖𝐀𝐍𝐀𝐍𝐆 𝐏𝐀𝐆𝐏𝐔𝐏𝐔𝐋𝐎𝐍𝐆 𝐍𝐆 𝐏𝐀𝐌𝐁𝐈𝐊𝐀𝐑𝐘𝐀𝐍𝐆 𝐊𝐎𝐌𝐈𝐒𝐘𝐎𝐍 𝐍𝐆 𝐊𝐀𝐁𝐀𝐓𝐀𝐀𝐍 | 𝐈𝐊𝐀-𝟏𝟏 𝐍𝐆 𝐀𝐁𝐑𝐈𝐋, 𝟐𝟎𝟐𝟔

Matagumpay na naisagawa ang Buwanang Pagpupulong sa pangunguna ni Sis. Aileen Alejandro, na nakatuon sa paghahanda at pagpaplano para sa paparating na Pambikaryang Araw ng Kabataan, Simba Aralan, at paglulunsad ng ALPHA.

Dinaluhan ito ng mga kasapi ng Parish Youth Coordinating Council (PYCC) kasama ang ilang kinatawan mula sa iba’t ibang parokya, bilang pagpapalakas ng ugnayan at pagkakaisa ng kabataan.

Ginawa ang pagpupulong sa Conference Hall ng Inihahandang Parokya ni San Juan Maria Vianney sa Tabe, Guiguinto, Bulacan, kaagad matapos isagawa ang Pilgrims Walk of Mercy sa nasabing lugar.

Isang makabuluhang pagtitipon tungo sa mas masiglang paglilingkod at pagpapatibay ng pananampalataya ng kabataan.