Mayor Ralph Lim

‘𝗠𝗮𝗯𝘂𝗵𝗮𝘆’ 𝗮𝘁 ‘𝗦𝗮𝗹𝗮𝗺𝗮𝘁 𝗣𝗼,’ 𝗜𝘁𝗶𝗻𝗮𝘁𝗮𝗴 𝗯𝗶𝗹𝗮𝗻𝗴 𝗣𝗮𝗺𝗮𝗻𝘁𝗮𝘆𝗮𝗻 𝗻𝗴 𝗦𝗲𝗿𝗯𝗶𝘀𝘆𝗼 𝘀𝗮 𝗦𝗮𝗻 𝗔𝗻𝗱𝗿𝗲𝘀, 𝗤𝘂𝗲𝘇𝗼𝗻

Isang mahalagang hakbang tungo sa pagpapalakas ng turismo at serbisyong may pusong Pilipino ang naitala sa Bayan ng San Andres, Quezon matapos maisabatas ang Resolution No. 36-2026. Layunin nitong i-institutionalize ang Filipino Brand of Service Excellence (FBSE) ng Department of Tourism, kabilang ang paggamit ng “Mabuhay Gesture” at mga katagang “Mabuhay” at “Salamat po” bilang pamantayan ng kalidad na serbisyo.

Sa ilalim ng resolusyong ito, inaasahang maisasabuhay ng mga tourism frontliners, stakeholders, at mga lingkod-bayan ang natatanging init ng pagtanggap at paggalang na sumasalamin sa kulturang Pilipino.

Kinilala ang mahalagang papel ni Punong Bayan Ralph Edward Lim at ng Sangguniang Bayan sa pangunguna ni Vice Mayor Nelson Ausa, kasama si Municipal Councilor Ezperanza Fontanil, SB Committee Chair on Tourism, sa matagumpay na pagpasa ng nasabing resolusyon.

Sa pamamagitan nito, itinatampok ang “Mabuhay” at “Maraming Salamat po” bilang opisyal na pagpapahayag ng Filipino Brand of Service Excellence—isang konkretong hakbang upang higit pang mapalakas ang imahe ng San Andres bilang isang destinasyong may malasakit, paggalang, at world-class na serbisyo.