SJNHS - Ang Gatdula

𝐆𝐀𝐋𝐈𝐍𝐆 𝐒𝐀 𝐏𝐋𝐀𝐓𝐎, 𝐏𝐀𝐏𝐔𝐍𝐓𝐀 𝐒𝐀 𝐌𝐔𝐍𝐃𝐎

Dati, inakala ko na hiwalay ang kalusugan sa kalikasan. Akala ko ang iniisip lang natin sa tuwing tayo ay kakain ay kung busog ba tayo—hindi pala.

Hindi tayo makakakuha ng tunay na sustansya kung ang lupa na mismong pinagtataniman ay patay na. Dagdag pa, hindi magiging malusog ang katawan kung ang hangin na nilalanghap ay marumi. Ang ating kalikasan ang tumutulong sa atin para sa ating kakainin kung kaya’t dapat din natin itong suklian ng ating pagtulong.

Madalas nating marinig—marahil nasabi na rin natin;

Bukas na lang ako kakain ng gulay.
Ayoko ng ulam kasi gulay. Bibili na lang ako ng iba sa labas.

Parang walang masama—isang araw lang naman. Pero ang isang araw, nauuwi sa isang linggo. Ang isang linggo, nauuwi sa isang buwan o puwedeng isang taon. At ang isang taon ay nauuwi sa isang ugali. Tila walang epekto ngunit babalik at babalik din sa atin balang araw.

𝑨𝒏𝒈 𝒑𝒂𝒈-𝒂𝒂𝒍𝒂𝒈𝒂 𝒔𝒂 𝒔𝒂𝒓𝒊𝒍𝒊 𝒂𝒚 𝒑𝒂𝒈-𝒂𝒂𝒍𝒂𝒈𝒂 𝒓𝒊𝒏 𝒔𝒂 𝒎𝒖𝒏𝒅𝒐. 𝑨𝒏𝒈 𝒑𝒂𝒈𝒌𝒂𝒊𝒏 𝒏𝒈 𝒈𝒖𝒍𝒂𝒚 𝒂𝒕 𝒑𝒂𝒈𝒌𝒂𝒌𝒂𝒓𝒐𝒐𝒏 𝒏𝒈 𝒏𝒖𝒕𝒓𝒊𝒔𝒚𝒐𝒏 𝒂𝒚 𝒑𝒂𝒈𝒌𝒂𝒌𝒂𝒓𝒐𝒐𝒏 𝒅𝒊𝒏 𝒏𝒈 𝒑𝒂𝒈-𝒂𝒔𝒂.

Sa huli, ang pipiliin natin na kainin at ilagay sa hapag ang magdidikta kung anong klaseng mundo ang mamanahin ng susunod na herenasyon. Ano ang mas nararapat, isang katawang mahina o isang henerasyon na kalusugan ay maganda?

Ngayong buwan ng Hulyo, huwag nating kalilimutan na ang malusog at malakas na pangangatawan at nagyayabong na kalikasan ay hindi mapaghihiwalay kailanman. Simulan natin sa ating mga plato at isunod mo ang ating ginagalawang mundo.

Isinulat ni: Alexandra Bambo
Layout ni: Lance Edward Angeles

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒, 𝐌𝐀'𝐀𝐌 𝐒𝐎𝐋𝐄𝐃𝐀𝐃 𝐒𝐀𝐍𝐓𝐎𝐒!
National Assessment for School Heads (NASH) Batch 2 Passer!
Your SJNHS Family is proud of you.