iFM Roxas

BALAY SILANGAN SA DUMALAG,GIN-INAGURAHAN

Gin-inagurahan kag gin-basbasan na sadtong Hunyo 25,2026 ang ginpatukod nga Balay Silangan sa Barangay Consolation,Dumalag.

Ginpangunahan ang seremonya nanday Mayor Khuku Castro, kag PDEA-6 Acting Regional Director Ralph Rommel D. Torres,kaupod ang mga opisyales sang banwa,mga tiglawas sang TESDA, DOLE,PNP kag iban pa nga ahensya sang gobyerno.

Ang Balay Silangan,magaserbi bilang pasilidad para sa mga anay nagagamit ukon nagaduso sang iligal nga droga nga boluntaryo nga nagsungka agud magpaidalum sa intervention.

Sa ila pagtinir sa pasilidad, magapaidalum sa counseling, values formation, livelihood training kag iban pa nga rehabilitative activities ang mga anay drug user ukon pusher agud dalayun na nga magbiya sa iligal nga buluhaton.

By:Rey Lacao