88.1 Spirit FM Roxas

SPIRIT BALITA SA SIMBAHAN

Gin-anunsyo sang Vatican ang tema para sa 2026 World Day of Prayer for the Care of Creation nga nakatutok sa panawagan para sa paghidaet kag pag-amlig sa palibot.

Ginpili ni Pope Leo XIV ang tema nga “They shall beat their swords into plowshares and their spears into pruning hooks,” nga gikan sa sulat ni Propeta Isaias para sa pagsaulog sa Setyembre 1, 2026.

Suno sa Dicastery for Promoting Integral Human Development, ginhatagan sang pagtamod sang mensahe sang Santo Papa ang kaangtanan sang kinagamo kag pagkasamad sang palibot nga nagaserbe nga pangmadugayan nga pamahog sa kabuhi sang ginatos ka milyon nga katawhan sa bug-os nga kalibutan.

Gintumod sang Vatican nga sa tunga sang nagalapad nga ihibalo tuhoy sa epekto sang kinagubot sa mga dunang manggad, nagapabilin nga kulang ang mga institusyon kag responsable nga tikang agud malikawan ang mga kinagamo kag malutas ang mga ilinaway sa malinong nga pamaagi.

Ang World Day of Prayer for the Care of Creation amo ang tuigan nga ginasaulog tagsa ka Setyembre 1 bilang kahigayunan agud pamalandongan sang mga tumuluo ang salabton sa pag-amlig sa kalibutan.

Ini man ang pagsugod sang Season of Creation sa bug-os nga kalibutan nga nagatapos sa Oktubre 4, ang Kapistahan ni San Francisco sang Assisi, ang patron sang mga tinuga.