SAPfire

IKA LIMANG ALDAW NA NOBENARIO KI SAN ANDRES APOSTOL

Pamibi sa ika Limang Aldaw:

O mabagsikon na parasira nin kalag, San Andres, na pinapagkanigo ka nin enot na Pontifico nin Santa Iglesia na ibugtak sa halangakaw na kamugtakan nin saserdote, sinasamba niamo simong kalangkawan, asin nin huli ta dayaday mong idinodolot an hawak asin dugo nin samong Paratubos; apunan mahal na ministro nin halangkawon na Diyos iyan simong mga laya sa dagat nin kinaban asin hawasa sa malipot na tubig nin kaaliwalasan an mga kalag na sa kaimbongan nin puso nag-ako ki Jesu-cristo sa Santissimo sacremento nin altar tanganing siring sa mga mariposa, matutong sa laad nin pagkamoot nin Diyos. Dai mga nagbasang-basang kan mga bunga nin siring sa kamahal na kakanon patin sa purgatorio hawason mo an mga idtoon duman sa pagdebosyon kaining mahal na sacramento patin kami man iabot mo nin sarong totoong pag andam sa pag-ako kaining tinapay nin mga Angeles. Laen pa kaini iabot mo kami kan samong katuyuhan kaining pagnobena, Kun ikaoomaw sa Dios patin ikararahay nin samong kalag. Amen.

(Ama niamo, Ave Maria, asin Kamurawayan 3x)

IKA-APAT ALDAW NIN NOBENARIO KI SAN ANDRES APOSTOL

Pamibi sa ika-Apat na Aldaw:

An mahal na Apostol asin mapalad na parasira sa kapakumbabaan liniliwat mi an pag-omaw saimo asin nagpapasalamat kami sa kamahalan nin Dios huli kan balakid na isinasamno saimo orog nang gayo kan sarong makuring kapusogan siring sa harigi nin Santa Iglesia . Tingkalagan an saimong mga mata asin taplakan an saimong mga laya sa dagat nin kinaban asin hawasa an mga kalag na naglalangoy-langoy sa gaweng marigsok. Itaoo sainda an balaog nin kapusogan sa pagkatumang sa mga sugot nin kaiwal, patin iabot mo man kami sa mahal na Dios sa mahalagang mutya nin kabinian sagkod na Makita ka niamo duman sa malinig na mga palasyo nin kamurawayan. Laen pa kaini iabot mo kami kan samong katuyuhan kaining nobena, kun ikaoomaw sa Dios patin ikakarahay nin samong kalag. Amen.

Ama niamo... Ave Maria... Kamurawayan... 3x

San Andres Apostol, ipamibi mo kami.