Jason V.

Ang pinakamalaking trahedya ng bayan ay hindi ang baha o sakuna, kundi ang mga kurap na politiko na nilulustay ang kaban ng bayan. Sa halip na ilaan sa mga proyektong tunay na makakapagligtas ng buhay—tulad ng maayos na flood control, pabahay, at serbisyong panlipunan—ang pondo ay nauuwi sa bulsa ng iilan. Habang ang mga kalsada at komunidad ay lumulubog sa baha, ang kanilang mga bulsa naman ay umaapaw sa nakaw na yaman.

Sila ang tunay na salot ng lipunan—mga buwaya na hindi nasisiyahan, kahit ang kabuhayan at kaligtasan ng taumbayan ay isugal. Walang awa, walang malasakit, walang hiya.

Ang bayan ay hindi para sa kanilang luho at kasakiman. Ang bayan ay para sa tao. At ang taumbayan, hindi kailanman dapat maging biktima ng mga magnanakaw sa kapangyarihan.