Marinduque Netizen

𝗠𝗘𝗟 𝗚𝗢 𝗔𝗧 𝗥𝗘𝗬𝗡𝗔𝗟𝗗𝗢 𝗦𝗔𝗟𝗩𝗔𝗖𝗜𝗢𝗡, 𝗡𝗔𝗞𝗜𝗨𝗦𝗔𝗣 𝗡𝗚 𝗦𝗨𝗣𝗢𝗥𝗧𝗔 𝗦𝗔 𝗠𝗔𝗥𝗖𝗢𝗣𝗣𝗘𝗥 𝗞𝗔𝗣𝗔𝗟𝗜𝗧 𝗔𝗡𝗚 𝗣𝗔𝗚𝗕𝗨𝗕𝗨𝗞𝗔𝗦 𝗡𝗚 𝗦𝗠𝗔𝗟𝗟-𝗦𝗖𝗔𝗟𝗘 𝗠𝗜𝗡𝗜𝗡𝗚

Lumutang ang kontrobersya sa lalawigan ng Marinduque matapos mamataang personal na bumisita sina Mel Go at Reynaldo Salvacion sa Marcopper Mining Corporation upang humingi umano ng suporta para sa kanilang kandidatura sa darating na halalan. Ayon sa ilang mapagkakatiwalaang sources, kapalit ng tulong-pinansyal mula sa kumpanya, nangako umano ang dalawa na kung sila ang mananalo, muling pahihintulutan ang pagbebenta ng mga natitirang properties ng Marcopper at pagbubukas ng small-scale mining sa probinsya.

Matatandaang ang Marcopper ay may madilim na kasaysayan sa Marinduque, lalo na sa matinding environmental disaster noong 1996 nang bumagsak ang isang waste pit, nagdulot ng malawakang polusyon sa Boac River, at iniwan ang maraming residente na apektado ng matinding kontaminasyon. Hanggang ngayon, hindi pa rin ganap na naibabalik ang normal na kalagayan ng kalikasan at kabuhayan sa lalawigan dahil sa matagal nang epekto ng pagmimina.

Dahil dito, maraming Marinduqueño ang nababahala at galit sa napabalitang kasunduan nina Mel Go at Reynaldo Salvacion sa Marcopper. "Tila ba wala silang pakialam sa naging trahedya noon. Ang mahalaga lang sa kanila ay ang pera at kapangyarihan!" pahayag ng isang miyembro ng MACEC na mahigpit na tumututol sa pagbabalik ng pagmimina sa lalawigan.

Bukod pa rito, pinangangambahan ng MACEC na kung muling magbubukas ang pagmimina sa Marinduque, lalo pang masisira ang natitirang likas na yaman ng probinsya. Hindi lamang ito banta sa kalikasan kundi pati na rin sa kalusugan at kabuhayan ng mga mamamayan, lalo na ang mga mangingisda at magsasaka na direktang maaapektuhan ng polusyon sa tubig at lupa.

REJANO'S BAKERY, PINARANGALAN NG DTI MIMAROPA

Isang malaking karangalan ang natanggap ng Rejano’s Bakery matapos itong gawaran ng Recognition for Proficiency in Quality Management (Level 2) ng Philippine Quality Award (PQA) Program.

Ang prestihiyosong pagkilala ay bahagi ng PQA Regionalization Program na itinatag sa ilalim ng DTI Administrative Order 22-12, s. 2022, na naglalayong kilalanin ang mga organisasyong nagpapakita ng kahusayan sa performance at kalidad ng pamamahala.

Ipinagmamalaki ng buong Marinduque ang Rejano’s Bakery dahil sa kanilang dedikasyon sa kalidad at malasakit sa kanilang produkto. Patunay ito na ang mga negosyanteng Marinduqueño ay may kakayahang makipagsabayan sa pambansang antas.

"Iba talaga ang Marinduqueños!" sigaw ng mga sumusuporta sa tanyag na bakery na patuloy na nagbibigay ng de-kalidad at masarap na tinapay sa ating mga kababayan.

Muli, isang malaking pagbati sa Rejano’s Bakery para sa tagumpay na ito!