MATTY M's

huling liham ng nagmamahal.
mula sa pag sulat ni: kiko

pinaka ayoko sa lahat ang pagsulat ng liham.
kung may mga bagay kang nais ipabatid ay mas gugustuhin kong sabihin mo sakin ito ng harapan.
dama ang bawat salita.
dama ang emosyon na nais kumawala.
ayoko ng liham.
ayoko ng mga mensaheng tila nakasulat sa papel
tila blangkong balangkas walang sining na makita.

pero sa huling pagkakataon ay hindi ko rin aakalain na susulat ako ng isang liham para lang sayo.

oh aking mahal,
marahil ngayon sa pagtulog mo sa gabi ay may bigat kang dala,
kalituhan sa isip mo na naging sanhi ng iyong pusong puno ng bahala.
nais kong malaman mo na kailan man ay hindi ka lumisan sa aking isipan.
kahit sa isang madalim na kwarto hiniram ko ang dilim nito upang maging kumot na syang magkukubli sa akin habang sinusulat ang aking liham para sayo.
kailan man ay hindi ako napagod na isipin ka at intidihin ka sa mga araw na tila ligaw ka sa iyong pagtakbo.
alam kong mahirap pero sa aking liham na ito nais kong malaman mo na kasama mo ang aking puso sa pag takbo tungo sa mga sagot na iyong nais malaman.
mahal kung sakaling makarating sa iyo ang liham na ito maari mo bang punasan ang iyong luha?
dahil sa aking huling pag sulat ay tanging pag-ibig lamang ang aking nais ipabatid.
pag-ibig na kailan man ay hindi tumitigil.
kaya sa iyong muling pag layag, sa pag buka ng iyong pakpak ay baunin mo ang aking pagmamahal at kung dumating sa puntong pagod ka na ay alalahanin na ang aking puso ay tanging hinahon lang ang iparamdam.
kaya sige aking maglalayag simulan mo na ang iyong paglalakbay dahil ito ang huling liham na isusulat ko para sayo at sa iyong pagbabalik ay malugod pa ring tatanggapin ang iyong buong kwento. hanggang sa muli paalam. ito ang aking huling liham.

nagmamahal
hanggang dulo.

Ang kwento nating dalawa
By: matty

Sabi nila ang museo ay isang imbakan ng ala ala mula sa nakaraan ng kasaysayan.
Noon ay sumulat ako ng tula ukol sa digmaan ng pag-ibig na naging parte ng kasaysayan nanakaimbak sa ating museo ng pagmamahal.
Ngayon maaring sumusulat ulit ako ng tula
Ukol sa ating museo pero hindi na ito tungkol sa digmaan ng kasaysayan dahil ito ngayon ay imbakan ng ating kwentong binuo mula sa nakaraan na hanggang ngayon ay patuloy na nililimbag.
Dito sa ating museo
Buoin natin ang istorya ng ating lakbayin.
Sa ikaw, sa tayo, sa ating dalawa.
Dito sa ating museo ng pag mamahal
Iimbak ang pangakong tinupad at tutuparin.
Ikaw at ako dito sa ating makabagong kasaysayan.
Tara ating bisitahin
Ang kwento nating dalawa.

Serye
Pahina ng pagsinta.