Ang Batingaw Online

| 𝗞𝗔𝗟𝗨𝗦𝗨𝗚𝗔𝗡𝗚 𝗦𝗪𝗔𝗞 𝗡𝗔 𝗦𝗪𝗔𝗞

𝗟𝗶𝗴𝘁𝗮𝘀 𝗻𝗮 𝗼𝗽𝗲𝗿𝗮𝘀𝘆𝗼𝗻, 𝗸𝗮𝗽𝗮𝗸𝗮𝗻𝗮𝗻 𝗻𝗴 𝗺𝗴𝗮 𝗴𝘂𝗿𝗼 𝗻𝗴 𝗦𝗼𝗹𝗮𝗻𝗼 𝗛𝗦 𝗶𝗻𝗶𝗹𝘂𝗻𝘀𝗮𝗱 𝘀𝗮 𝘁𝘂𝗹𝗼𝗻𝗴 𝗻𝗴 '𝗢𝗽𝗹𝗮𝗻 𝗞𝗮𝗹𝘂𝘀𝘂𝗴𝗮𝗻'

Bilang bahagi ng pagpapaigting sa pangangalaga sa kalusugan ng mga kawani ng pacralan matagumpay na isinagawa ng Solano High School ang 'Oplan Kalusugan,' na isang programang naglalayong magbigay ng serbisyong pangkalusugan sa mga g**o bago ang pagbubukas ng taong panuruan, Hunyo 1.

Sa pangunguna ng Philippine Red Cross– Nueva Vizcaya Chapter, Educators Lion Club International, Rural Health Unit of Solano, at ng Grand Court of the Philippines Order of the Amaranth– Villaverde Court No. 47, isinagawa ang gawain upang matiyak na nasa maayos na kalagayang pangkalusugan ang mga g**o at kawani bago ang pagsisimula ng klase.

Kabilang sa mga serbisyong ipinagkaloob ang mga pangunahing pagsusuring medikal, konsultasyon, at iba pang gawaing naglalayong itaguyod ang kalusugan at kapakanan ng mga kawani ng paaralan.

Ayon kay School Nurse Herminia Basilio, bahagi ito ng paghahanda ng paaralan sa pagpapatupad ng mga programang pangkalusugan upang maging produktibo ang kapaligiran sa pagkatuto bago ang pagbubukas ng pasukan.

"Sa pamamagitan ng sama-samang pagkilos ng iba't ibang organisasyon, patuloy na isinusulong ng ating paaralan [Solano High School] ang kapakanan ng mga g**o bilang mahalagang haligi ng dekalidad na edukasyon," dagdag ni Basilio.

Naniniwala ang administrasyon ng paaralan sa pangunguna ni School Principal IV Dr. Trinidad B. Logan na ang isang malusog na institusyon ng mga g**o ay susi sa pagkakaroon ng epektibo at makabuluhang pagtuturo.

Dagdag pa ng pamunuan na mahalaga ang ganitong mga programa upang mapanatili ang kahandaan at pagiging produktibo ng mga g**o sa kanilang pagbabalik paaralan.

✒️ Ang Batingaw News Team
📷 Reinmark Tamani

----------------------------------
𝘛𝘶𝘮𝘶𝘵𝘰𝘬 𝘢𝘵 𝘮𝘢𝘬𝘪𝘣𝘢𝘭𝘪𝘵𝘢! 𝘐-𝘧𝘰𝘭𝘭𝘰𝘸 𝘢𝘯𝘨 𝘰𝘱𝘪𝘴𝘺𝘢𝘭 𝘯𝘢 𝘱𝘢𝘩𝘢𝘺𝘢𝘨𝘢𝘯 𝘯𝘨 𝘈𝘯𝘨 𝘉𝘢𝘵𝘪𝘯𝘨𝘢𝘸 𝘖𝘯𝘭𝘪𝘯𝘦, 𝘢𝘯𝘨 𝘰𝘱𝘪𝘴𝘺𝘢𝘭 𝘯𝘢 𝘱𝘢𝘩𝘢𝘺𝘢𝘨𝘢𝘯 𝘯𝘨 𝘔𝘢𝘵𝘢𝘢𝘴 𝘯𝘢 𝘗𝘢𝘢𝘳𝘢𝘭𝘢𝘯 𝘯𝘨 𝘚𝘰𝘭𝘢𝘯𝘰 𝘱𝘢𝘳𝘢 𝘴𝘢 𝘮𝘨𝘢 𝘣𝘢𝘭𝘪𝘵𝘢'𝘵 𝘬𝘢𝘨𝘢𝘯𝘢𝘱𝘢𝘯.
📩 [email protected]
🌐 shsangbatingaw.wordpress.com