Taal Updates

𝐓𝐑𝐀𝐁𝐀𝐇𝐎 𝐩𝐚𝐫𝐚 𝐬𝐚 𝐦𝐠𝐚 𝐓𝐀𝐀𝐋𝐄Ñ𝐎𝐒.

Be Hired On-The-Spot sa Local Recruitment Activity kasama ang ACE Hardware Lemery.

July 14, 2025 (Monday) | 9:30 ng umaga sa Munisipyo ng Taal. Magdala lang ng inyong updated resume.

CTTO Peso Taal Batangas

📰 Mahigit 150,000 Estudyante, Nabigyan ng Student Allowance sa Batangas 1st District

BATANGAS — Personal na pinangunahan ni Batangas 1st District Representative Leandro Leviste ang pamamahagi ng ₱1,000 student allowance sa mahigit 150,000 mag-aaral mula sa mga bayan ng Nasugbu, Lian, Calatagan, Tuy, at Balayan ngayong Hulyo 11.

Ang nasabing ayuda ay bahagi ng inisyatibo sa ilalim ng Lingkod Legarda Leviste Foundation, na patuloy na nagsusulong ng mga programang makatutulong sa edukasyon ng kabataang Batangueño.

Nakatakda ring tumanggap ng parehong benepisyo ang mga estudyante mula sa Calaca, Lemery, at Taal bago matapos ang buwan.

Ang proyekto ay kaugnay ng isinusulong ni Cong. Leviste na House Bill No. 27, na naglalayong gawing pambansang programa ang pagbibigay ng ₱1,000 buwanang allowance sa lahat ng estudyanteng Pilipino mula kinder hanggang kolehiyo.

Layunin ng panukalang batas na maibsan ang pasaning pinansyal ng mga magulang at masigurong walang batang maiiwan sa pag-aaral.

📰 TAAL UPDATE: Paghahanda Laban sa Bagyo, Sinimulan na sa Ilang Barangay

TAAL, BATANGAS — Bilang bahagi ng pinaigting na kampanya para sa Disaster Preparedness at Disaster Resilience, sinimulan na ng lokal na pamahalaan ng Taal ang mga hakbang para sa mas ligtas at mas matatag na komunidad ngayong inaasahang panahon ng mga bagyo.

Kabilang sa mga isinagawang aktibidad ang pagpuputol ng mga sanga ng punong maaaring makapinsala, at paglilinis ng mga drainage at kanal sa iba’t ibang barangay.

Sa unang batch ng implementasyon, pinulong ang mga Barangay Captains at ilang opisyal mula sa Zone 4, Zone 5, at Tatlong Maria — mga lugar na lubhang naapektuhan ng pagbaha noong nanalasa ang bagyong Kristine.

Ayon sa mga opisyal, layunin ng pagpupulong na tukuyin ang mga high-risk areas, at tiyaking maayos ang koordinasyon sa pagitan ng mga barangay at ng lokal na pamahalaan sa oras ng sakuna.

"Disaster Preparedness, Disaster Resilience — Isang mas matatag na Taal!", pahayag ng lokal na pamahalaan bilang panawagan sa mga Taaleno na makiisa sa mga gawain ng kahandaan.

Nagpaabot ng pasasalamat ang pamahalaan sa mga boluntaryo, kawani, at mga partner mula sa iba’t ibang sektor na patuloy na tumutulong sa mga gawaing pangkaligtasan.

“Sama-sama tayo sa pagbuo ng isang mas ligtas at mas matatag na Bagong Taal.”


Napaka-sipag naman ng ating Mayor Atty Nene Mercado Bainto