CSS GOALS Tagoloan Campus

Thank You Eunoia Photography Studio 🥰

Call now to connect with business.

MAYOR ATTY. NADYA B. EMANO-ELIPE, NAG DASIG SA MGA MI-GRADWAR SA CHRISTIAN SAMARITAN ISIP GUEST SPEAKER

Kalipay para sa Inahan sa Lungsod sa Tagoloan Mayor Atty. Nadya B. Emano-Elipe nga makita nga milampus sa pagtungha ang mga bata sa Christian Samaritan School, ilabi na nga kini usa sa mga taytayan nga ma-abot nila ang ilahang mga damgo.

Ning adlaw nga Lunes Abril 13, 2026, nahatagan og higayon si Municipal Mayor Atty. Nadya isip guest speaker atol sa Completion Ceremony sa mga High School Students, ug Graduation sa mga Senior High School sa mga magtutungha gikan sa Christian Samaritan School; kung asa ang maong seremonya gihimo ngadto sa USTP Gymnasium, sa dakbayan sa Cagayan De Oro.

Tipik pa sa mensahe ni Municipal Mayor Atty. Nadya nga padayonon sa mga kabataan ang pag-eskwela, ug maningkamot sa kanunay aron makatibawas aron nga magmalamboon sa ilahang kinabuhi. Lakip pa niini, madasigon usab nga gi-congratulate sa Mayora ang mga mi-gradwar sa maong higayon.

Atol niini, makita usab sa mga hulagway ang mga kadagkuan sa maong tunghaan nga mao sila CEO President Dr. Claudio C. Sabal, School Principal Ms. Emelyn C. Somoso, mga magtutudlo, ginikanan ug mga dinapit nga bisita.