Atty. ROCKY BAS

BRIGADA ESKWELA 2026 | DEPED TALISAY CITY DIVISION 📚📖

Malampuson nga gipahigayon ang Kick-Off Ceremony sa Brigada Eskwela 2026 sa DepEd Talisay City Division nga nahitabo sa Lagtang Elementary School, diin nagkahiusa ang mga educators, local officials, ginikanan, ug volunteers alang sa pagpangandam sa umaabot nga pagbukas sa klase.

Pormal nga giablihan ang maong kalihukan ni Dr. Arden D. Monisit, Schools Division Superintendent sa DepEd Talisay City Division, nga nagpasiugda sa kahinungdanon sa panagtinabangay ug bayanihan aron masiguro ang limpyo, luwas, ug maayong palibot sa pagkat-on alang sa mga estudyante.

Gitambungan usab kini ni Aksyon Agad Mayor Samsam Gullas, nga nagkanayon sa padayon nga suporta sa lokal nga kagamhanan sa mga programa sa edukasyon. Anaa usab si Bise Mayor Choy Aznar, mga kauban nato sa konseho, ang Barangay Council sa Barangay Lagtang, mga principals, school leaders, teachers sa DepEd Talisay City Division, ug mga ginikanan nga mipakita sa ilang suporta ug partisipasyon sa maong kalihukan.

Ang Brigada Eskwela usa ka simbolo sa bayanihan ug volunteerism, diin nagkahiusa ang tanang sektor sa komunidad aron maandam ang mga eskwelahan alang sa bag-ong tuig sa pag-eskwela.

Human sa maong kick-off ceremony, mosunod dayon ang pagpahigayon sa Brigada Eskwela sa nagkalain-laing pampublikong eskwelahan sa City of Talisay isip kabahin sa paghatag og andam, luwas, ug kalidad nga edukasyon alang sa atong mga kabatan-onan.

💚 Buhat. Aksyon. Solusyon.