Hospitality Management Program - PCF

UPDATED: Gipahibalo ang tanang college students sa Philippine College Foundation (PCF) nga residente sa Valencia City, gikan sa tanang year level, nga mag-abli ang City Government of Valencia og 600 ka slots alang sa Educational Assistance Program.

Ang matag kwalipikadong benepisyaryo makadawat og ₱2,000 nga direktang ibayad sa eskwelahan isip kabahin sa bayronon sa estudyante. Walay cash nga ipagawas o madawat sa estudyante ubos niini nga programa.

Ang pag-apil sa programa himuon pinaagi sa first come, first served basis. Ang mga aplikasyon pagadawaton hangtod mapuno ang gitakdang slots.

Busa, gidasig ang mga interesado nga makakompleto dayon sa ilang aplikasyon ug makasumite sa husto ug kompleto nga mga dokumento.

𝐌𝐠𝐚 𝐑𝐞𝐪𝐮𝐢𝐫𝐞𝐦𝐞𝐧𝐭𝐬 𝐚𝐥𝐚𝐧𝐠 𝐬𝐚 𝐄𝐝𝐮𝐜𝐚𝐭𝐢𝐨𝐧𝐚𝐥 𝐀𝐬𝐬𝐢𝐬𝐭𝐚𝐧𝐜𝐞:

• Validated Certificate of Enrollment/Registration (COR) sa pinakaulahing semester o school year nga na-enrolan ug Statement of Account
• School ID o bisan unsang valid ID sa estudyante
• Latest Barangay Indigency sa estudyante nga adunay purpose nga “Educational Assistance” (pwede usab kini makuha sa City Social Welfare and Development Office)
• Valid ID sa ginikanan o guardian
• Latest Cedula sa estudyante

Note: Isiguro nga ang mga isumiteng ID adunay adres o uban pang impormasyon nga nagpamatuod nga residente sa Valencia City ang aplikante.

Dili na usab kwalipikado nga makadawat sa educational assistance ang mga estudyante nga nakadawat na niini sa miaging payout nga gipahigayon sa Robinsons Valencia.

Mahimong ma-access ang application link dinhi: https://forms.gle/YXZ5Zmyo78kdy5DQ9

Padayon usab nga magpabiling updated alang sa sunod nga mga anunsyo ug impormasyon, ilabina sa pag-abli sa maong Educational Assistance Program alang usab sa ubang mga tulonghaan. Gihangyo ang mga estudyante nga maghulat lamang sa opisyal nga pahibalo kabahin niini.