Urdu Likhari

Great. looking forward.

ہماری سوچ کے محور کہاں سے آتے ہیں
اور اسکی راہ میں پتھر کہاں سے آتے ہیں
اداس لہروں کی مدھم سُروں میں گھر کرتے
یہ راگ و لَے کے بھی مصدر کہاں سے آتے ہیں
شفق لپیٹ کے آتی ہے حسن کی چادر
دلوں میں پیار کے منظر کہاں سے آتے ہیں
نگارِ ساحلِ تخئیل جب سنورتا ہے
خیال و فکر کے لنگر کہاں سے آتے ہیں
کسی کی یاد دلوں میں پلٹ کے آئے تو
پھر اس کے ساتھ کے لشکر کہاں سے آتے ہیں
یہ آنکھ غور سے جب دیکھتی ہے تنہائی
تو واہموں کے سمندر کہاں سے آتے ہیں
یہ بادلوں میں بھرے رنگ و روپ بھی احسان
اور ان کے صحن میں کوثر کہاں سے آتے ہیں