Chitral Development Movement - CDM

ٹی ٹی أر ایف کے گرفتار رہنماؤں کے استقبال کے لیے دنین جیل کے باہر ٹاؤن چترال میں رہنے والے ٹی ٹی أر ایف اور سی ڈی ایم کے کارکنان اور دیگر سماجی شخصیات جمع ہیں۔۔۔

چترال ڈیویلپمنٹ مومنٹ (سی ڈی ایم ) نے پاکستان مسلم لیگ ن کی رہنما اور رکن قومی اسمبلی غزالہ انجم کی جانب سے آج وزیراعظم معائنہ کمشن کے سربراہ برگیڈئیر (ر) خالد رانجھا کی زیر صدارت اسلام آباد میں چترال کی سڑکوں کے حوالے سے اعلی سطح کے اجلاس میں چترال میں وفاقی حکومت کے سڑکوں کے منصوبوں کے معاملہ اٹھانے کا خیر مقدم کرتی ہے۔
جمعرات کو جاری بیان میں ٹی سی ڈی ایم نے کہا کہ آج وزیراعظم باؤس میں وزیراعظم معائنہ کمشن کے سربراہ برگیڈئیر (ر) خالد رانجھا کی زیر صدارت چترال کی سڑکوں کے حوالے سے اعلی سطح کا اجلاس ایک خوش آئند قدم ہے جس کے نتیجے میں امید ہے کہ چترال میں این ایچ اے اور دیگر محکموں کی زیر تعمیر سڑکوں پر رکے ہوئے کام دوبارہ شروع ہوں گے اور کام کے معیار اور رفتار میں بھی بہتری آئے گی۔
بیان میں کہا گیا ہے کہ اس اہم اجلاس میں این ایچ اے اور متعلقہ حکام نے شرکت کی جبکہ چترال کی نمائندگی ممبر قومی اسمبلی غزالہ انجم نے کی۔
ٹی ٹی آر ایف نے غزالہ انجم کی جانب سے سڑکوں کی جلدی مکمل کرنے کی ضرورت پر زور دینے پر ان کا شکریہ ادا کیا اور امید ظاہر کی ہے کہ اس میٹنگ میں کیے گئے فیصلے اور بعد میں اعلامیے میں کیے گئے وعدے پورے کیے جائیں گے۔
ہم امید کرتے ہیں غزالہ انجم کائے اس فیصلوں کے فالو آپ کریں گے اور ان پر عملدرآمد یقینی بنانے کے لیے اپنا کردار ادا کریں گے۔۔

صدر چترال ڈویلپمنٹ مومنٹ ۔۔

چترال میں سڑکوں کے تعمیر کی اھمت کو اجاگر کرنے والے تنظیم چترال ڈویلپمنٹ مومنٹ سی ڈی ایم کا چترال شندور روڈ پر کام بند کرنے پر تشویش کا اظہار

سی ڈی ایم نے ان خبروں پر شدید تشویش کا اظہار کیا ہے کہ جن کے مطابق چترال شندور روڈ کے ٹھیکیدار نے چترال شندور روڈ پر کام بند کر دیا ہے۔
جمعرات کو جاری ایک بیان میں سی ڈی ایم کا کہنا تھا کہ چترال شندور روڈ نہ صرف چترال کے دو اضلاع کے لیے نہایت اہم منصوبہ ہے بلکہ یہ اس خطے کو گلگت اور چین سے بھی ملاتا ہے جس کی وجہ سے اس منصوبے کی اہمیت دوچند ہوجاتی ہے۔
سی ڈی ایم کا مزید کہنا تھا کہ چار سال پہلے اس منصوبے کو جس بدنظمی اور بے ترتیبی سے شروع کیا گیا اس کو چترال کے دو اضلاع کے عوام اور پورے شمالی علاقے کے لوگ اب تک بھگت رہے ہیں۔ ’چترال سے بونی تک اسی کلومیٹر پکی سڑک کو این ایچ اے اور ٹھیکیدار نے ملی بھگت سے جس طرح توڑ کر پھینک دیا یہ نہایت افسوسناک ہے اور ایسا لگتا ہے کہ این ایچ اے کے کرپٹ حکام اور ٹھیکدار منصوبے کے بجٹ کو روڈ توڑنے کی آڑ میں ٹھکانے لگانے کی واردات کی ھے ۔ این ایچ اے جیسے اہم محکمے نے اس روڈ کے منصوبے کو جس طرح ایگزیکیوٹ کیا اور اب بھی کر رہی ہے وہ نہایت افسوسناک ہے اور ستم ظریفی یہ رہی کہ وفاقی حکومتوں اور متعقلہ وزرا اور حکام نے بھی اس پر کوئی توجہ نہیں دی۔۔
ٹی ٹی آر کا مزید کہنا تھا کہ خدا خدا کرکے اس روڈ پر رواں سال کام شروع کیا گیا تھا لیکن اس کو بھی بیچ میں چھوڑ دیا گیا۔
’سی ڈی ایم کے اس روڈ پر تعمیرائی کام کے معیار، رفتار اور اور جس طریقے سے کام کیا جا رہا ہے اس پر شدید تحفظات ہیں۔ اس لیے ہم وفاقی وزیر برائے مواصلات علیم خان، وزیراعظم اور دیگر حکام سے مطالبہ کرتے ہیں کہ اس معاملے کا نوٹس لیا جائے۔ منصوبے پر کام کے معیار کو یقینی بنانا این ایچ اے کی بطور ایگزیکیوٹنک ایجنسی ذمہ داری ہے اور اس کو اپنی ذمہ داری پوری کرنے کا پابند بنایا جائے اور اس منصوبے کے لیے کام فنڈ مختص کیے جائیں تاکہ اس پر کام کی رفتار اور معیار پر فرق نہ پڑے۔‘
سی ڈی ایم کے مطابق چترال کے باسیوں کو بھی اپنے حقوق حاصل کرنے کے لیے احتجاج سمیت ہر آپشن کو استعمال کرنا چاہیے ورنہ چترال کے دیگر منصوبوں کی طرح اس اہم منصوبے پر کام ٹھپ ہوجائے گا اور جو بجٹ مختص کیا گیا ہے وہ محکمہ این ایچ اے اور متعقلہ ٹھیکدار آپس کی ملی بگھت سے ٹھکانے لگائیں گے۔
Chief Secretary Khyber Pakhtunkhwa PTI Khyber Pakhtunkhwa