Sada-e-Ghizer

انسانی حقوق کے فورم پر منعقدہ ایک پروگرام میں خطا کرتے ہوئے اسلم انقلابی نے کہا کہ اس تقریب میں نوجوانوں کی بھرپور شرکت اس بات کا ثبوت ہے کہ گلگت بلتستان کا نوجوان طبقہ سماجی و سیاسی شعور رکھتا ہے اور اپنے خطے کی ترقی میں فعال کردار ادا کرنا چاہتا ہے۔ انہوں نے نوجوانوں سے مخاطب ہوتے ہوئے کہا کہ جب تک انہیں جدید دور کے تقاضوں کے مطابق وسائل، تربیت اور مواقع فراہم نہیں کیے جاتے، وہ قومی اور بین الاقوامی سطح پر اپنے خطے کے مؤثر سفیر ثابت نہیں ہو سکتے۔ اسلم انقلابی نے زور دیا کہ اس مقصد کے حصول کے لیے مقامی سیاسی جماعتوں کو مضبوط اور فعال بنانا وقت کی اہم ضرورت ہے، تاکہ نوجوانوں کو ایک مضبوط پلیٹ فارم میسر آ سکے، جہاں سے وہ اپنی صلاحیتوں کو بروئے کار لا سکیں۔

لیبر ڈیپارٹمنٹ گلگت بلتستان نے گلگت ڈویژن میں موجود تمام پرائیویٹ سکولوں میں خدمت سر انجام دینے والے تمام ملازمین کی ماہانہ تنخواہیں کم از کم چالیس ہزار کرنے کی احکامات جاری کردیا جو قابل ستائش اقدام ہے مگر بدقسمتی سے گلگت بلتستان کے تمام اضلاع کے مختلف سکولوں میں درس وتدریس کی خدمات سر انجام دینے والے کم وبیش 350 سیپ اساتذہ کرام صرف پندرہ ہزار ماہانہ تنخواہیں لیکر مہنگائی کے اس طوفان کا نہ صرف مقابلہ کررہے ہیں بلکہ باقاعدگی سے علمی خدمات سر انجام دینے کے باجود بھی چھ ماہ تک قلیل پے کے انتظار کرنے پر مجبور ہوتے ہیں اصلاح احوال فرصت نکال کر انکی طرح ایک نظر کریں یہ لوگ بھی انسان ہے یہ بھی کسی خاندان کی کفالت کررہے ہیں اور دوسرے ملازمین کی طرح یہ بھی کسی ریاستی ادارے کے ملازمین ہے