Immit sultan abad

حکومت اور انتظامیہ کی نااہلی ایک بار پھر سامنے آ گئی۔ گزشتہ سال سیلاب سے تباہ ہونے والی فیض آباد مین روڈ کی بحالی کے لیے جہاں سرکاری اقدامات نہ ہو سکے، وہیں آج فیض آباد جماعت خانے کے والنٹرز اور بوائے اسکاوٹس نے موکھی کامڑیاں صاحبان کی نگرانی میں اپنی مدد آپ کے تحت یہ اہم کام سرانجام دے دیا۔
فیض آباد کے باشعور عوام اور رضاکاروں کو خراجِ تحسین، جنہوں نے ثابت کر دیا کہ قومیں اپنے عزم اور اتحاد سے ناممکن کو ممکن بنا دیتی ہیں۔ شکریہ فیض آباد!

عوامی ورکرز پارٹی گلگت بلتستان کے نامزد امیدوار اسلم انقلابی کی منفرد انتخابی مہم—موٹر سائیکل پر عوام کے درمیان
یاسین (پ ر): حلقہ جی بی اے 21 غذر 3 سے عوامی ورکرز پارٹی (اے ڈبلیو پی جی بی) کے نامزد امیدوار اسلم انقلابی ایک انوکھی اور سادہ انتخابی مہم کے ساتھ میدان میں اتر آئے ہیں۔ مہنگی گاڑیوں اور بڑے جلوسوں کے بجائے وہ موٹر سائیکل پر مختلف علاقوں کا دورہ کر رہے ہیں اور براہِ راست عوام سے رابطہ قائم کر رہے ہیں۔

موجودہ سیاست میں پیسے کا بڑھتا اثر عام آدمی کے لیے مشکلات پیدا کر رہا ہے، تاہم ان کی جماعت اس نظام کو بدلنے کے لیے جدوجہد کر رہی ہے تاکہ محنت کش طبقے کو بھی آگے آنے کا موقع ملے۔
اسلم انقلابی کا کہنا تھا کہ ان کی سادہ مہم اس بات کا پیغام ہے کہ قیادت عوام میں سے ہونی چاہیے۔ انہیں امید ہے کہ لوگ اس “غریب عوام کے غریب لیڈر” کا ساتھ دیں گے۔