SK Write,s

گلگت بلتستان کے عوام کو ذہنی اذیت دینے والے تین بڑے ادارے!

اگر آج گلگت بلتستان کے عوام سے پوچھا جائے کہ انہیں سب سے زیادہ ذہنی دباؤ کس نے دیا ہے، تو بے اختیار تین نام سامنے آتے ہیں: PWD، محکمہ برقیات اور SCO۔

PWD کی ناقص منصوبہ بندی اور ٹوٹی پھوٹی سڑکوں نے عوام کا سفر عذاب بنا دیا ہے۔

محکمہ برقیات کی غیر اعلانیہ لوڈشیڈنگ، کم وولٹیج، بار بار بجلی کی بندش اور ناقص نظام نے شدید گرمی میں عوام کی زندگی مفلوج کر دی ہے۔ گھروں کے برقی آلات خراب ہو رہے ہیں، کاروبار تباہ ہو رہے ہیں، طلبہ کی پڑھائی متاثر ہو رہی ہے اور مریض شدید مشکلات کا شکار ہیں۔

دوسری طرف SCO کے مہنگے پیکجز تو پورے وصول کیے جاتے ہیں، مگر نیٹ ورک اور انٹرنیٹ سروس اکثر غائب رہتی ہے۔ عوام اپنے ہی پیسوں سے ناقص سہولیات خریدنے پر مجبور ہیں۔

مسلسل پریشانی، ذہنی دباؤ اور بنیادی سہولیات کی عدم دستیابی کے باعث عوام خود کو شدید نفسیاتی دباؤ میں محسوس کرتے ہیں، اور بہت سے لوگوں کا ماننا ہے کہ یہی مسلسل دباؤ بلڈ پریشر، دل کی بیماریوں اور شوگر جیسے مسائل میں اضافے کا بھی سبب بن رہا ہے۔

اب وقت آ گیا ہے کہ عوام کو صرف بل بھیجنے کے بجائے انہیں معیاری سہولیات بھی فراہم کی جائیں۔ گلگت بلتستان کے عوام مزید وعدے نہیں، عملی اقدامات چاہتے ہیں۔ اگر متعلقہ اداروں نے اپنی کارکردگی بہتر نہ بنائی تو عوام اپنے آئینی اور جمہوری حق کے مطابق بھرپور آواز بلند کرنے پر مجبور ہوں گے، کیونکہ خاموشی اب مسائل کا حل نہیں بلکہ ان کی مزید بڑھوتری کا سبب بن رہی ہے۔