Commissioner Gilgit Division

کمشنر گلگت ڈویژن جناب توقیر حیدر کاظمی نے کمشنر آفس گلگت میں وزیرِاعظم فری سولر پاور پراجیکٹ کے تحت قائم ہیلپ ڈیسک کا افتتاح کر دیا۔

اس موقع پر متعلقہ افسران بھی موجود تھے۔ کمشنر گلگت ڈویژن نے کہا کہ وزیرِاعظم فری سولر پاور پراجیکٹ حکومت کا ایک اہم عوامی فلاحی منصوبہ ہے جس کا مقصد عام شہریوں کو سستی اور متبادل توانائی کی فراہمی یقینی بنانا ہے۔ انہوں نے کہا کہ عوام کو سہولت فراہم کرنے اور رہنمائی کے لیے کمشنر آفس میں ہیلپ ڈیسک قائم کیا گیا ہے تاکہ درخواست گزاروں کو مکمل معلومات اور بروقت معاونت فراہم کی جا سکے۔

کمشنر نے شہریوں پر زور دیا کہ وہ اس سہولت سے بھرپور استفادہ کریں اور کسی بھی قسم کی معلومات یا رہنمائی کے لیے ہیلپ ڈیسک سے رجوع کریں۔ انہوں نے متعلقہ عملے کو ہدایت کی کہ عوام کی رہنمائی خوش اخلاقی اور ذمہ داری کے ساتھ کی جائے اور تمام امور کو شفاف اور موثر انداز میں انجام دیا جائے۔
Office of the Chief Secretary, Gilgit Baltistan Information Department Gilgit-Baltistan
Prime Minister's Office of Pakistan PTV News

جگلوٹ سئی کے ایک وفد نے کمشنر گلگت ڈویژن جناب توقیر حیدر کاظمی سے ملاقات کی، جس میں زمین سے متعلق مسائل اور عوامی شکایات پر تفصیلی گفتگو کی گئی۔ ملاقات میں ڈپٹی کمشنر گلگت کیپٹن (ر) عارف احمد اور ایس ایس پی گلگت اسحاق حسین بھی موجود تھے۔

وفد نے علاقے میں درپیش اراضی کے مسائل اور دیگر شکایات کمشنر گلگت ڈویژن کے سامنے رکھیں۔ کمشنر گلگت ڈویژن نے وفد کو یقین دہانی کرائی کہ تمام مسائل اور شکایات کا حل آئین و قانون، قواعد و ضوابط کے مطابق کیا جائے گا اور انصاف کو ہر صورت یقینی بنایا جائے گا۔
اس سسلے میں امن وامان کو یقینی بنائیں کسی بھی فریق کو امن و امان خراب کرنے کی اجازت نہیں

کمشنر گلگت ڈویژن نے متعلقہ محکموں کو ہدایات جاری کرتے ہوئے کہا کہ عوامی مسائل کے حل میں شفافیت، قانون کی بالادستی اور میرٹ کو ہر حال میں مقدم رکھا جائے۔