My Ishkoman

در شانِ امام زمان بروزِ عیدِ سالگرہ

جہاں کے دل پہ ترا نُورِ لا زوال آیا
فضا میں رنگِ تجلی کا اک کمال آیا

تُو مہرِ صبحِ ہدایت، تُو مِہرِ جانِ جہاں
کہ تیرے بعد نہ کوئی دِلِ مثال آیا

وجودِ خاک میں پیدا ہوا وہ نُورِ قدیم
کہ جس کی جلوہ گری سے نیا خیال آیا

خموشیاں بھی تری مدح میں زباں بنی
کہ حرفِ عشق پہ بھی لطفِ بے مثال آیا

تُو آئینہ ہے تجلیِ ء ذاتِ کردگار
تری نظر سے ہی ہر دِل کو اتّصال آیا

عطا کے باب کھلے، فضل کے سمندر بہے
جہاں بھی تُو گیا، فیضِ لا زوال آیا

خدا کرے کہ ترے ذکر سے رہے معمور
یہ خاکداں کہ جہاں میں ترا جمال آیا

ترے وجود سے ہے وقت کو بقا حاصل
ترے سکوت سے بھی حرف میں کمال آیا

یہ جشن عیدِ ولادت یہ نُورِ حق کا ظہور
کہ عرش تک بھی ترے نام کا خیال آیا

جو قلب و لوح پہ انمول کا طلوع ہوا
تو ہر سخن میں نیا ذوقِ لا زوال آیا

انمول الکریمی الحسینی