Media Lens

پاکستان پیپلز پارٹی گلگت بلتستان میں حکومت تشکیل دے گی، صوبائی صدر امجد حسین ایڈووکیٹ کا اعلان۔

امجد حسین ایڈووکیٹ نے کہا کہ عوام نے پاکستان پیپلز پارٹی پر بھرپور اعتماد کا اظہار کیا ہے اور انتخابی نتائج ثابت کرتے ہیں کہ پیپلز پارٹی گلگت بلتستان کی سب سے مقبول سیاسی قوت بن کر ابھری ہے۔ انہوں نے کہا کہ پارٹی عوامی توقعات پر پورا اترتے ہوئے ترقی، خوشحالی اور بہتر طرز حکمرانی کے لیے اپنا کردار ادا کرے گی۔

صوبائی صدر پاکستان پیپلز پارٹی گلگت بلتستان امجد حسین ایڈووکیٹ نے انتخابات میں کامیابی کے بعد کارکنوں اور جیالوں سے پرجوش خطاب کرتے ہوئے اس تاریخی فتح کو عوام کے بھرپور اعتماد، کارکنوں کی انتھک جدوجہد اور پاکستان پیپلز پارٹی کے نظریے کی کامیابی قرار دیا۔

انہوں نے کہا کہ یہ کامیابی صرف ایک امیدوار یا جماعت کی نہیں بلکہ حلقے کے ہر فرد کی کامیابی ہے۔ امجد حسین ایڈووکیٹ نے کارکنوں، ووٹرز اور پارٹی قیادت کا شکریہ ادا کرتے ہوئے عزم ظاہر کیا کہ عوامی خدمت، ترقی اور خوشحالی کے سفر کو مزید تیز رفتاری سے آگے بڑھایا جائے گا۔

!