ESpectrum- GB

گلگت (پ ر)پاکستان تحریک انصاف گلگت بلتستان کے سیکریٹری فنانس پروفیسر اجمل حسین نے کہا ہے کہ گلگت بلتستان کے لۓ تاریخی میگا ترقیاتی پیکیج کی منظوری کے ساتھ ساتھ فنڈز کے صحیح استعمال اور سرمایہ کاری کے مواقع فراہم کر کے خطے میں ترقی کے عمل کو مذید تیز کیا جا سکتا ہے میڈیا کو جاری ایک بیان میں انہوں نے کہا کہ گلگت بلتستان کے لۓ میگا پیکیج میں شامل تمام پروجیکٹس کی تفصیلات ابھی تک منظر عام پر نہیں آئی ہیں پیکیج میں شامل منصوبوں سے عوام کی احساس محرومی کا خاتمہ ہو گا اور تاریخ میں پہلی مرتبہ گلگت بلتستان حقیقی ترقی کی راہ پر گامزن ہو گا۔ میگا پیکیج میں شامل اسی فیصد پروجیکٹس کی تکمیل آگلے پانچ سالوں میں ہو گی ان منصوبوں کے لئے مرحلہ وار فنڈز مختص ہونگے ۔ان میگا منصوبوں میں شونٹر روڈ ، شونٹر ٹنل ، سیاحت کے فروغ کے لۓ منصوبے، پی ایچ کیو کی اپگریڈیشن ، میڈیکل کالج، ڈیمز کی تعمیر، سکردو اور چلاس ہسپتال کی توسیع، کلین واٹر مینجمنٹ اور بہت سارے ایسے ترقیاتی پروگرامز ہیں جو ابھی تک عوام کے سامنے نہیں آئے ہیں جن سے علاقے کی ترقی کی ضمانت یقینی ہے۔انہوں نے کہا کہ ان پروجیکٹس کی تکمیل سے نہ صرف ترقی کے نئے راستے کھلیں گے بلکہ گلگت بلتستان کی تقدیر یکسئربدل جائے گی ۔ گلگت بلتستان کے وسائل کو بروۓ کار لا کر روزگار کے مواقع کی فراہمی یقینی ہو گی ۔ بہتر ٹرانسپورٹیشن اور فاصلوں کی کمی سے تجارتی سرگرمیاں بڑھیں گی اور خطے میں کاروبار کو وسعت حاصل ہو گی ۔ وزیر اعظم کے اس پیکج کا مقصد گلگت بلتستان کی عوام کو ان کے پیروں پر کھڑا کرنا ، ترقیاتی منصوبوں سے ہنر مندی کو فروغ دیکر لوگوں کی زندگیوں کو بہتر بنانا ہے ۔ امید ہے کہ وزیراعظم عمران خان ،وزیر اعلیٰ خالد خورشید اور ان کی ٹیم کم مدت میں ان پروجیکٹس کو عملی جامع پہناۓ گی ۔