New Beacon Public Higher secondary school Basin Gilgit

-اطلاع عام
نیو بیکن ہائیر سیکنڈری سکول اینڈ ڈگری کالج بسین، گلگت میں کلاس نرسری سے کلاس پری نائن (Pre-9th) تک کے سالانہ امتحانات نومبر کے آخری ہفتے سے شروع ہوں گے۔
تمام والدین سے گزارش ہے کہ وہ اپنے بچوں کی تعلیم پر خصوصی توجہ دیں اور اسکول کی جانب سے دیے گئے سیلبس کے مطابق مکمل تیاری کروائیں۔
ان دنوں میں بچوں کی حوصلہ افزائی اور نگرانی پر خاص توجہ دی جائے تاکہ وہ بہترین نتائج حاصل کر سکیں۔

پرنسپل
نیو بیکن ہائیر سیکنڈری سکول اینڈ ڈگری کالج، بسین گلگت

گلگت:
ضلعی سطح پر منعقدہ کوئز مقابلے میں گلگت کے 10 ڈگری کالجز کے درمیان نیو بیکن پبلک ہائیر سیکنڈری سکول اینڈ ڈگری کالج بسین، گلگت کے ہونہار طالبعلم شیراز احمد نے پہلی پوزیشن حاصل کر کے ادارے، اساتذہ اور والدین کا سر فخر سے بلند کر دیا۔

یہ شاندار کامیابی نہ صرف شیراز احمد کی انتھک محنت اور لگن کا ثمر ہے بلکہ اس کے اساتذہ کی بہترین رہنمائی اور ادارے کے اعلیٰ تعلیمی معیار کی عکاس بھی ہے۔

ادارہ نیو بیکن کالج کی انتظامیہ اور اساتذہ نے شیراز احمد کو اس نمایاں کامیابی پر دل کی گہرائیوں سے مبارکباد پیش کی ہے اور اُمید ظاہر کی ہے کہ وہ مستقبل میں بھی اسی جذبے، محنت اور لگن کے ساتھ اپنی تعلیمی سفر کو جاری رکھے گا۔

قابلِ ذکر بات یہ ہے کہ شیراز احمد کلاس نرسری سے لے کر کلاس 11ویں تک نیو بیکن ہائیر سیکنڈری سکول اینڈ ڈگری کالج کا طالبعلم رہا ہے، جو ادارے کی دیرینہ تعلیمی وابستگی اور معیارِ تعلیم کا واضح ثبوت ہے۔

"نیو بیکن ہائر سیکنڈری اسکول اینڈ ڈگری کالج بسین کے ہونہار طالبعلم، عبدالرازق کو قراقرم انٹرنیشنل یونیورسٹی آفاق کے زیر اہتمام یومِ اساتذہ کی پُروقار تقریب میں تلاوتِ کلامِ پاک کی سعادت حاصل ہوئی۔"