The Writers GBC

پاکستان پیپلز پارٹی حکومت بنانے کے لیے مضبوط پوزیشن میں! وزیر اعلیٰ کے لیے سید جلال علی شاہ اور امجد ایڈووکیٹ کے ناموں پر غور تیز۔ جبکہ سکردو سے گورنر شپ چھوڑنے کی صورت میں بلتستان ڈویژن سے ایک بڑا نام ریس میں شامل ہونے کا امکان ہے۔

سکردو: پاکستان پیپلز پارٹی (پی پی پی) کے امیدوار فدا محمد نشاد نے گلگت بلتستان اسمبلی کی نشست GBA-09 سکردو-III سے کامیابی حاصل کر لی ہے، جس کا اعلان ریٹرننگ آفیسر کی جانب سے جاری کردہ فارم-47 کے عبوری اور مجمع شدہ نتائج میں کیا گیا۔

جی بی اے-3 (گلگت-3) میں پی ٹی آئی کے حمایت یافتہ آزاد امیدوار سید سہیل عباس کامیاب

ریٹرننگ آفیسر کی جانب سے جاری کردہ عارضی فارم-47 کے مطابق گلگت بلتستان اسمبلی کے حلقہ جی بی اے-3 (گلگت-3) سے پی ٹی آئی حمایت یافتہ آزاد امیدوار سید سہیل عباس کامیاب قرار پائے ہیں۔

جی بی اے-2 گلگت-II میں الیکشن کمیشن گلگت بلتستان کی جاری کردہ فارم-47 کے مطابق سابق وزیراعلیٰ حافظ حفیظ الرحمٰن نے واضح برتری سے کامیابی حاصل کی۔ انہوں نے 13,433 ووٹ حاصل کیے جبکہ پیپلز پارٹی کے جمیل احمد 8,650 ووٹ لے کر دوسرے نمبر پر رہے، یوں انہیں 4,783 ووٹوں کی برتری حاصل ہوئی۔

بسم اللہ الرحمن الرحیم

میں حلقے کے تمام معزز ووٹرز اور عوام الناس کا تہہ دل سے شکر گزار ہوں کہ آپ نے مجھ پر اعتماد کرتے ہوئے اپنے قیمتی ووٹ سے کامیاب بنایا۔ آپ نے نہ صرف جمہوری عمل میں بھرپور حصہ لیا بلکہ پورے انتخابی مرحلے کے دوران امن، بھائی چارے اور ذمہ داری کا بہترین مظاہرہ کرتے ہوئے اپنے حقِ رائے دہی کو خوش اسلوبی سے استعمال کیا۔

میں اپنے تمام مدمقابل امیدواروں، خصوصاً نواز خان ناجی، ظفر محمد شادم خیل، عاطف سلمان، عظیم خان اور دیگر امیدواروں کا بھی شکریہ ادا کرتا ہوں جنہوں نے انتخابات کے پرامن انعقاد اور جمہوری روایات کے فروغ میں مثبت اور تعمیری کردار ادا کیا۔

یہ کامیابی صرف میری نہیں بلکہ پورے حلقے کے عوام کی کامیابی ہے۔ ان شاء اللہ میں آپ کی توقعات پر پورا اترنے اور حلقے کی ترقی، خوشحالی اور عوامی مسائل کے حل کے لیے اپنی تمام تر صلاحیتیں بروئے کار لاؤں گا۔

اللہ تعالیٰ ہم سب کا حامی و ناصر ہو۔

والسلام