Col MBA/MPa

علامہ اقبال اوپن یونیورسٹی نے اپنی امتحانی پالیسی پر نظر ثانی کرتے ہوئے امتحانات میں ری اپیئر( Reappear )اور اگین ری اپیئر( Again reappear)کی سہولت ختم کردی ہے، ملک بھر کے تعلیمی اداروں میں مروجہ طریقہ کار کے مطابق امتحان میں پہلی مرتبہ فیل ہونے والے طلباء و طالبات کے لیے متعلقہ کورس میں دوبارہ داخلہ لینا اور پاس کرنا لازمی قرار دیا گیاہے لہذااب Reap/Areapکی سہولت مئیسر نہیں ہوگی۔یہاں یہ بات قابل ذکر ہے کہ یونیورسٹی کے وائس چانسلر، پروفیسر ڈاکٹر ضیاء القیوم نے معیار تعلیم اور اسناد و ڈگریوں کی کریڈیبلٹی پر خصوصی توجہ دیتے ہوئے امتحانات اور داخلوں کے امور میں کئی اصلاحات کیں، امتحانی پالیسی پر نظر ثانی بھی اِن اقدامات کا تسلسل ہے۔
نئی پالیسی کے مطابق طلباء و طالبات کے لئے کسی بھی کورس کے امتحان میں فیل ہونے کی صورت میں انہیں اُسی کورس میں نئے سرے سے داخلہ لینا اور پاس کرنا لازمی ہوگا۔نئی پالیسی کا اطلاق سمسٹر خزاں 2021ء کے امتحانات سے ہوگا۔ ری اپیئر اور اگین ری اپیئر طلبہ کو آخری موقع فراہم کردیا گیا ہے لہذا وہ سمسٹر خزاں 2021کے امتحانات میں شامل ہوکراس موقع سے فائدہ اٹھائیں۔