Nomi Vibe X

کوئٹہ: اے ایس ٹی نیوز

لیڈی ڈاکٹر پر تیزاب حملہ کیس میں اہم پیش رفت، مبینہ ملزم ہلاک

کوئٹہ کے سول اسپتال میں لیڈی ڈاکٹر ماہ نور ناصر پر تیزاب پھینکنے کے واقعے میں اہم پیش رفت سامنے آئی ہے۔ پولیس ذرائع کے مطابق واقعے میں ملوث مبینہ ملزم ہمایوں شاہ، جو سول اسپتال میں لفٹ آپریٹر کے طور پر فرائض انجام دے رہا تھا، پولیس کارروائی کے دوران ہلاک ہو گیا۔

پولیس کے مطابق ملزم کی گرفتاری کے لیے مختلف علاقوں میں چھاپے مارے گئے۔ بعد ازاں اسے نوشکی بس اسٹاپ کے قریب ٹریس کیا گیا، جہاں گرفتاری کی کوشش کے دوران مبینہ طور پر فائرنگ کا تبادلہ ہوا۔ پولیس کا کہنا ہے کہ جوابی کارروائی میں ملزم ہلاک ہو گیا جبکہ موقع سے اسلحہ اور دیگر شواہد بھی برآمد کر لیے گئے ہیں۔

واضح رہے کہ لیڈی ڈاکٹر ماہ نور ناصر پر تیزاب حملے کے واقعے نے عوام اور طبی حلقوں میں شدید تشویش پیدا کر دی تھی، جس کے بعد ملزم کی فوری گرفتاری کا مطالبہ کیا جا رہا تھا۔ واقعے کی مزید تحقیقات جاری ہیں۔

CCTV footage

pasandeedah shakhs

disha patani