Pro_GFX_By Haider

نظام تعلیم اس قدر بوجھل، کشش سے عاری اور بھاری بھر کم سلیبس پر مشتمل ہے کہ اس نے قوم کے بچوں کا بچپن ہی چھین لیا ہے۔ غیر ضروری سلیبس کا بچوں کی ذہنی صلاحیت سے کوئی میل جول نہیں، نمبروں اور گریڈز کے چکر میں اساتزہ اور والدین کا بے جاء دباو، سکول کے بعد اکیڈمیوں کے تھکا دینے والے اوقات کار، مادری یا قومی زبان کی بجائے انگریزی میڈیم کے جنون کے باعث ایک طرف بچے ڈپریشن اور مایوسی کا شکار ہو رہے ہیں تو دوسری طرف ان سے کھیل کود اور تفریح چھین کر ان کی جسمانی اور دماغی صحت کا بیڑا غرق کیا جا رہا ہے۔ گریڈنگ کی دوڑ میں سرگرداں نظام تعلیم بچوں میں تجزیاتی، تنقیدی و تعمیری سوچ پیدا کرنے کے بجائے انہیں کلی طور پر رٹو طوطے بنا رہا ہے یہی وجہ ہے کہ ہر سال لاکھوں کی تعداد میں یونیورسٹیوں سے گریجوئیٹ ہونے والے نوجوانوں کی صلاحتیوں کا کسی طور بھی عالمی لیول پہ موازنہ نہیں۔ سائنس، ادب سمیت کسی بھی علمی میدان میں عالمی سطح پر ہماری کوئی اچیومنٹ نہیں۔ نتیجتا ہمارا نظام تعلیم فرسٹریشن کا شکار نوجوانوں کی ایسی کھیپ تیار کر رہا ہے جو زندگی کی رمک دھمک سے یکسر محروم اور مایوس ہیں۔