Qari Riaz kasur

السلام علیکم و رحمت اللہ وبركاته

صبح بخير

اے رحمان اے رحیم ہم پر ایسا کرم کر دے کہ تیری نعمتیں تیری یاد سے غافل نہ کردیں اور تیری آزمائشیں تیری رحمت سے مایوس نہ کردیں اے خالق و مالک تو ہمیں اپنی رضا کی منزل تک پہنچا دے ۔

أمين يارب العالمين

♦️ انسان کے دین پر گناہوں کے بُرے اثرات

✍️ الشیخ اکرم الٰہی حفظه الله

(سلسلہ:3)

♦️ غیرت کا خاتمہ :

’’غیرت‘‘ عربی زبان کا لفظ ہے جس کے مفہوم میں اہل زبان دو باتوں کا بطور خاص ذکر کرتے ہیں۔ ایک یہ کہ کوئی ناگوار بات دیکھ کر دل کی کیفیت کا متغیر ہو جانا، اور دوسرا یہ کہ اپنے کسی خاص حق میں غیر کی شرکت کو برداشت نہ کرنا۔ ان دو باتوں کے اجتماع سے پیدا ہونے والے جذبہ کا نام غیرت ہے۔

گناہوں کے دینی نقصان میں سے ایک نقصان یہ ہے کہ گناہ گار شخص کے دل سے غیرت ختم ہو جاتی ہے اور وہ بے غیرت ہو جاتا ہے۔حتی کہ وہ گناہ کرنے کو بھی قبیح نہیں سمجھتا خواہ وہ خود گناہ کررہا ہو یا اس کے اہل عیال گناہ کر رہے ہوں۔ حدیث میں ہے:

قَالَ سَعْدُ بْنُ عُبَادَةَ : لَوْ رَأَيْتُ رَجُلًا مَعَ امْرَأَتِي لَضَرَبْتُهُ بِالسَّيْفِ غَيْرَ مُصْفَحٍ ، فَبَلَغَ ذَلِكَ النَّبِيَّ صَلَّى اللَّهُ عَلَيْهِ وَسَلَّمَ ، فَقَالَ : أَتَعْجَبُونَ مِنْ غَيْرَةِ سَعْدٍ ، لَأَنَا أَغْيَرُ مِنْهُ ، وَاللَّهُ أَغْيَرُ مِنِّي

سعد بن عبادہ رضی الله عنہ نے کہا کہ اگر میں اپنی بیوی کے ساتھ کسی غیر مرد کو دیکھ لوں تو سیدھی تلوار کی دھار سے اسے مار ڈالوں۔ یہ بات نبی کریم ﷺ تک پہنچی تو آپ ﷺ نے فرمایا کہ :
کیا تمہیں سعد کی غیرت پر حیرت ہے؟۔ میں ان سے بھی بڑھ کر غیرت مند ہوں اور الله مجھ سے بھی زیادہ غیرت مند ہے۔

دوسری حدیث میں ہے :

لَا أَحَدٌ أَغْيَرَ مِنْ اللَّهِ وَلِذَلِكَ حَرَّمَ الْفَوَاحِشَ مَا ظَهَرَ مِنْهَا وَمَا بَطَنَ

’’ الله سے زیادہ کوئی غیرت مند نہیں ہے اور اسی لیے اس نے ظاہری و باطنی فواحش کو حرام ٹھہرایا۔‘‘
📗 صحیح بخاری:4637، صحیح مسلم:2760

ایک اور حدیث میں ارشاد فرمایا:

يا أُمَّةَ مُحَمَّدٍ! واللهِ مَا مِنْ أحَدٍ أغْيَرُ مِنَ اللَّهِ أنْ يَزْنِيَ عَبْدُهُ أوْ تَزْنِيَ أمَتُهُ

اے محمدﷺ کی امت! الله كی قسم ! اس بات پر الله تعالیٰ سے زیادہ غیرت اور کسی کو نہیں آتی کہ اس کا کوئی بندہ یا بندی زنا کرے۔
📗 صحیح بخاری:1066

ایک طرف گناہوں کے خلاف الله اور اس کے رسول ﷺ کی غیرت کا یہ عالم ہے اور دوسری طرف گناہگار کسی گناہ کو گناہ ہی نہیں سمجھتے۔ بھینس اور بیل جس طرح اپنے سینگوں سے اپنی اور بچوں کی دشمن سے حفاظت کرتے ہیں،غیرت انسان کے لئے یہی درجہ رکھتی ہے۔ یہ سینگ ٹوٹ جائیں تو پھر شیطان کی صورت میں ازلی دشمن حملہ آور ہو جاتا ہے۔

♦️ دعا کا قبول نہ ہونا :

گناہوں کے دینی نقصان میں سے ایک نقصان یہ ہے کہ گناہ کی وجہ سے اس کی دعائیں الله تعالیٰ کے ہاں قبول نہیں ہوتیں ۔ رسول الله ﷺ کا ارشاد ہے :

عَنْ أَبِي هُرَيْرَةَ قَالَ قَالَ رَسُولُ اللہِ صَلَّى اللہُ عَلَيْهِ وَسَلَّمَ أَيُّهَا النَّاسُ إِنَّ اللہَ طَيِّبٌ لَا يَقْبَلُ إِلَّا طَيِّبًا وَإِنَّ اللہَ أَمَرَ الْمُؤْمِنِينَ بِمَا أَمَرَ بِهِ الْمُرْسَلِينَ فَقَالَ يَا أَيُّهَا الرُّسُلُ كُلُوا مِنْ الطَّيِّبَاتِ وَاعْمَلُوا صَالِحًا إِنِّي بِمَا تَعْمَلُونَ عَلِيمٌ وَقَالَ يَا أَيُّهَا الَّذِينَ آمَنُوا كُلُوا مِنْ طَيِّبَاتِ مَا رَزَقْنَاكُمْ ثُمَّ ذَكَرَ الرَّجُلَ يُطِيلُ السَّفَرَ أَشْعَثَ أَغْبَرَ يَمُدُّ يَدَيْهِ إِلَى السَّمَاءِ يَا رَبِّ يَا رَبِّ وَمَطْعَمُهُ حَرَامٌ وَمَشْرَبُهُ حَرَامٌ وَمَلْبَسُهُ حَرَامٌ وَغُذِيَ بِالْحَرَامِ فَأَنَّى يُسْتَجَابُ لِذَلِكَ

حضرت ابوہریرہ رضی الله عنہ سے روایت ہے انھوں نے کہا رسول الله ﷺ نے فرمایا :
اے لوگو ! الله تعالیٰ پاک ہے اور پاک (مال) کے سوا (کوئی مال) قبول نہیں کرتا الله نے مومنوں کو بھی اسی بات کا حکم دیا جس کا رسولوں کو حکم دیا الله تعالیٰ نے فرمایا : اے پیغمبران کرام! پاک چیزیں کھاؤ اور نیک کام کرو جو عمل تم کرتے ہو میں اسے اچھی طرح جاننے والا ہوں اور فرمایا اے مومنو! جو پاک رزق ہم نے تمھیں عنایت فرمایا ہے اس میں سے کھاؤ ۔ پھر آپ نے ایک آدمی کا ذکر کیا: جو طویل سفر کرتا ہے بال پراگندا اور جسم غبار آلود ہے ۔ دعا کے لیے آسمان کی طرف اپنے دونوں ہاتھ پھیلاتا ہے اے میرے رب اے میرے رب! جبکہ اس کا کھانا حرام کا ہے اس کا پینا حرام کا ہے اس کا لباس حرام کا ہے اور اس کو غذا حرام کی ملی ہے تو اس کی دعا کہاں سے قبول ہو گی ۔
📗 صحیح مسلم:1015

(جاری ہے)

┄┄┅✵✰✿🍂

پیاری لڑکیوں!!
یہ بلکل نا سوچو وہ خوبصورت ہے اور میں نہیں، میں عمر میں بڑی دیکھتی ہوں، میرا قد چھوٹا ہے، میں کیوں نہیں اُس جیسی، اللّه پاک خود قرآن مجید میں فرماتا ہے، "کہ"ہم نے انسان کو سب سے بہترین ساخت پر پیدا کیا ہے۔" (سورہ التین: ⁴)
تو پھر ہم کون ہوتے ہیں خود میں عیب نکالنے والے یا خود کو بدصورت سمجھنے والے؟اسی لئے دنیا کی باتوں کو چھوڑیں، اور خود سے محبت کریں، خود کا خیال رکھیں، خود سے روز کہیں؛
آپ بہت خوبصورت ہیں، کیونکہ آپ اللّه پاک کی تخلیق ہیں،،،!!🤎🦋

Video dakhny ky liy link pr click kry
https://youtube.com/