Toppearl

رُکتا بھی نہیں ٹھیک سے ، چلتا بھی نہیں ہے
یہ دل کہ تیرے بعد ، سنبھلتا بھی نہیں ہے

اک عمر سے ہم اُس کی تمنا میں ہیں بےخواب
وہ چاند جو آنگن میں ، اُترتا بھی نہیں ہے

پھر دل میں تیری یاد کے ، منظر ہیں فروزاں
ایسے میں کوئی ، دیکھنے والا بھی نہیں ہے

ھمراہ بھی خواھش سے ، نہیں رہتا ہمارے
اور بامِ رفاقت سے ، اُترتا بھی نہیں ہے

اِس عمر کے صحرا سے ، تری یاد کا بادل
ٹلتا بھی نہیں ، اور برستا بھی نہیں ہے

نوشی گیلانی✍️🖤