Indus Digital

لاہور: پنجاب حکومت کے ترجمان کے مطابق ایک تازہ سروے میں صوبے کے 69 فیصد افراد نے مریم نواز کی قیادت پر اطمینان کا اظہار کرتے ہوئے پنجاب کی مجموعی سمت کو درست قرار دیا ہے۔

ترجمان کے مطابق آئی پور کے سروے میں 32 فیصد افراد نے وزیراعلیٰ پنجاب کی کارکردگی کو “آؤٹ اسٹینڈنگ” جبکہ 31 فیصد نے اسے “اچھی” قرار دیا۔

سروے کے نتائج میں یہ بھی سامنے آیا ہے کہ 56 فیصد شہریوں کے مطابق ترقیاتی منصوبوں کے آغاز سے وزیراعلیٰ پنجاب کی مقبولیت میں اضافہ ہوا ہے۔

مختلف حکومتی منصوبوں کے حوالے سے رائے میں 33 فیصد نے “ستھرا پنجاب”، 30 فیصد نے “ویمن ویلفیئر اینڈ پروٹیکشن” جبکہ 29 فیصد نے “پبلک ٹرانسپورٹ” کے اقدامات کو بہتر قرار دیا۔

مزید برآں، سروے میں شامل 55 فیصد افراد نے کہا کہ وہ آئندہ انتخابات میں کارکردگی کی بنیاد پر ووٹ دینے کو ترجیح دیں گے۔
Maryam Nawaz Sharif