Shahroz Raaz

غزل

مجھ کو جب تیرے آنے کا گماں ہوتا ہے
میرے سینے میں تلاطم کا سماں ہوتا ہے

آج پریشاں ہوں سو کمرے میں تنہائی ہے
ورنہ خوشیوں میں تو ہر دوست یہاں ہوتا ہے

اپنے رقیب کی قسمت سے کیونکر نہ جلوں
جہاں وہ ہو وہاں میرا جہاں ہوتا ہے

تب سے چھوڑ دیا اِس دل کی مرمت کرنا
جب سے معلوم ہوا خالق ہی یہاں ہوتا ہے

جب کاکل کی گھٹاؤں سے نکلتا ہے میرا چاند
وہ لمحہ تو کئی سالوں سے گراں ہوتا ہے

ہمیشہ درد کو رازؔ دل میں چھپائے رکھنا
غم آنکھوں میں آسانی سے عیاں ہوتا ہے

شہروز رازؔ

اپنی آغوش میں سر رکھ کہ کہیں سکون ملے

طبیب میرے دردِ سر کو لاعلاج کہے بیٹھے ہیں
رازؔ

اُس سے ملوں تو دل میں ایسی فضا آتی ہے

جیسے دشتِ ویراں میں کبھی بادِ صبا آتی ہے