TNEWSTVnetwork

مدینۃ الاولیاء ملتان کی شناخت قلعہ کہنہ قاسم باغ پر مزارات کی وجہ سے باعث فیوض و برکات ہیں۔ مذہبی رہنماؤں اور معروف وکلاء کی پریس کانفرنس

🌹ملتان( نفیس خان سے)

مذہبی جماعتوں کے رہنماؤں اور معروف وکلاء نے مشترکہ پریس کانفرنس سے خطاب کرتے ہوئے کہا ہے کہ ملتان کے امن کو قائم رکھنے کیلئے اور شہر میں صاف شفاف کلچر کیلئے مربوط اقدامات کی ضرورت ہے۔ جماعت اہلسنت پنجاب کے ناظم اعلیٰ علامہ حافظ فاروق خان سعیدی ۔جمعیت علمائے پاکستان کے مرکزی رہنما محمد ایوب مغل ۔ جماعت اہلسنت کے مرکزی رہنماؤں ڈاکٹر محمد صدیق خان قادری۔پیر سید محمد فیضان شاہ فیضی۔ مرکزی میلاد کمیٹی کے رہنما رکن الدین ندیم حامدی۔ سنی تحریک پنجاب کے رہنما مرزا محمد ارشد القادری ۔جماعت اہلسنت سپریم کونسل کے ممبران وسیم ممتاز۔ محمد حسین بابر۔ محمد یونس غازی۔ محمد حسین بابر نے مشترکہ پریس کانفرنس سے خطاب کرتے ہوئے کہا ہے کہ مدینۃ الاولیاء ملتان کی شناخت قلعہ کہنہ قاسم باغ پر مزارات کی وجہ سے باعث فیوض و برکات ہیں لیکن صوفی ازم کی آڑ میں قلعہ کہنہ باغ کی شناخت کو تبدیل کرنے کی ہر کوشش۔ سازش کو ناکام بنادیا جائے گا۔ انہوں نے مزید کہا کہ قلعہ کہنہ پر مزارات کی روحانی ۔تاریخی حیثیت مسلمہ ہے ۔بزرگان دین کے عرس مبارک پر ملک بھر سے زائرین ملتان آتے ہیں۔ قلعہ کہنہ پر زائرین کمپلیکس ۔ لنگر خانے ۔ قیام کیلئے ایریا۔ طبی امداد فراہمی کیلئے ڈسپنسریاں محکمہ اوقاف کے دفاتراور حاجی کیمپ بھی قلعہ کہنہ پر واقع ہیں اس لیے قلعہ کہنہ کی مسلمہ روحانی تاریخی حیثیت کو تبدیل کرنے کے ہر سرکاری اقدام کے خلاف مزاحمت کی جائے گی۔