HADI FOODS

ایک بندے کے ہاتھ غلطی سے ایک کتاب چڑھ گئی جس میں ہر بیماری کی علامات لکھی تھیں جیسے جیسے وہ کتاب پڑھتا گیا اسے اندازہ ہوا کہ اس کے اندر یہ بھی بیماری ہے وہ بھی بیماری ہے ، العرض شام تک کتاب پڑھتے پڑھتے اسے انکشاف ہوا کہ اس کے اندر کوئی تین سو بیماریاں ہیں جو کتاب پڑھنے کے بعد دریافت ہو چکی ہیں، وہ دوسرے دن ڈاکٹر کے پاس گیا اور اسے اپنی دریافت شدہ بیماریوں کے بارے بتایا تو ڈاکٹر نے استفسار کیا کہ آپ کو ان کے بارے میں کیسے علم ہوا؟ اس شخص نے ڈاکٹر کو جب اس “حیرت انگیز” کتاب کے بارے میں بتایا تو ڈاکٹر نے تمام بیماریوں کا ایک ہی علاج بتایا کہ پہلی فرصت میں اس کتاب کو دریا میں پھینک دے۔
شکر ہے کہ ڈاکٹر صاحب نے بھی کتاب دیکھ کر ہمیں بتا دیا کہ ایک ریوڑی کا دانہ ایک کاربوہائیڈریٹ کی گولی ہوتا ہے اور ہم جیسے کمبخت لوگ تیس سال سے یہ گولیاں کھا رہے ہیں، صرف یہی نہیں ڈاکٹر صاحب کے احسان مند ہیں کہ ان کیلوریز کے بلسٹک میزائل، ڈرون میزائیل ، ایٹم بم، ہینڈ گرنیڈ ، اور خود کُش بارودی سرنگوں کے بارے میں بھی ہمیں آگاہ کیا۔
پسِ تحریر : ہمارے بہت سے دوستوں نے ریوڑی کی اس توہین پر اجتماعی بددعاؤں کا بھی اعلان کیا ہے۔