Syed Yousuf Raza Gillani

چیئرمین سینیٹ سید یوسف رضا گیلانی کی زیر صدارت پاکستان انسٹی ٹیوٹ فار پارلیمانی سروسز (PIPS) کے بورڈ آف گورنرز کا اہم اجلاس منعقد ہوا، جس میں ادارے کی عالمی سطح پر کامیابیوں، پارلیمانی استعدادِ کار میں نمایاں پیش رفت اور جمہوری اداروں کے استحکام کے لیے جاری اقدامات کو سراہا گیا۔
چیئرمین سینیٹ نے کہا کہ PIPS نے عالمی سطح پر ایک اہم سنگِ میل عبور کرتے ہوئے بین الپارلیمانی یونین (IPU) کے تحت قائم “گلوبل نیٹ ورک آف پارلیمانی ٹریننگ انسٹی ٹیوٹس” کی اسٹیئرنگ کمیٹی کے بانی رکن کی حیثیت حاصل کی، جبکہ پاکستان کو 2027 میں پارلیمانی تربیتی اداروں کی دوسری عالمی کانفرنس کی میزبانی بھی سونپی گئی ہے، جو ملک اور ادارے کے لیے ایک بڑا اعزاز ہے۔
انہوں نے کہا کہ جولائی 2025ء سے اب تک PIPS نے 540 سے زائد پارلیمنٹیرینز، 798 افسران اور 525 سے زائد اراکینِ پارلیمنٹ کو تربیت، تکنیکی معاونت اور پارلیمانی خدمات فراہم کیں، جبکہ تحقیق، قانون سازی، تربیت اور ادارہ جاتی ترقی کے شعبوں میں نمایاں کامیابیاں حاصل کیں۔
چیئرمین سینیٹ نے ایگزیکٹو ڈائریکٹر PIPS عاصم خان گورایہ اور ادارے کی پوری ٹیم کی کاوشوں کو سراہتے ہوئے اس اعتماد کا اظہار کیا کہ PIPS مستقبل میں بھی جدید تقاضوں سے ہم آہنگ پارلیمانی خدمات کے ذریعے جمہوری نظام کو مزید مضبوط بناتا رہے گا۔

چیئرمین سینیٹ سید یوسف رضا گیلانی نے آپریشن “بنیانٌ مرصوص” اور یومِ “معرکۂ حق” کے ایک سال مکمل ہونے کے موقع پر پاکستان مونومنٹ، اسلام آباد میں منعقدہ خصوصی تقریب میں شرکت کی۔
تقریب میں صدر مملکت آصف علی زرداری، وزیر اعظم شہباز شریف، چیف آف ڈیفنس فورسزفیلڈ مارشل سید عاصم منیر ، مسلح افواج کے سربراہان، اسپیکر قومی اسمبلی اور وفاقی وزراء نے بھی شرکت کی۔